Page Text
________________
सम्मत्त-बीय-लंभो णाम पढमो अवसरो तत्थ य धणदेवकहाणगे सोमसेट्ठीणो खेमंकरभवो
७७
तओ सामि-निब्भच्छण-वयण-सवण-संजणिय-पोरुसं पुणो वि वलियं राईण बलं । संपलग्गं खेमकर-बलेण सह जुज्झिउ। खग्गप्पहार-दारिय-सुहड-मुहुच्छलिय-दसण-संदह्र । दोसइ सियायवत्तं राहुगसिज्जतमिव चंदं ॥४१९।। दरियारिखग्ग-दारिय अरिकुंजर-सिर-झरत-रुहिरोहो। पव्वयसिर-गेरुय-रत्त-सलिल-सरिय व्व निवडेइ ।४२०। अइदुटु-धट्ठ-दप्पिट रुट्ठ-गयदंत-पहर-निद्दलिया। भज्जत-धयवडा महियलम्मि निवडंति रहविसरा ।।४२१।। पसरंत-सेय-संदोह-सलिलं संसित्त-धरिणि-वठेहिं । पवरमणि-मणिभूसणेहिं पयडिय-सिय-फार-फणेहिं ।। सायरसमजच्चतुरंगमाण पठेहिं संचरंतेहि। मयसुहड-सरीरेहि य दुस्संभारो समरमग्गो ।।४२३।। रे! रे ! कयंतचोइय कत्थ तुमं जासि अज्ज दिट्ठोसि । एमाइ संलवंता ढुक्कति परोप्परं सुहडा ।।४२४।। नच्चंति कबंधाइं करकय-करवाल-भीसणतराई । विरसं रसंति नरमंसपोसतुट्ठा मह सिवाओ ।।४२५।। एवंविम्मि समरे वटुंते घोर-दारुण-दुरंते । खेमंकरस्स सेण्णं पुणो वि भग्गं पर बलेहि ।।४२६।।
एत्यंतरे सुमरिओ खेमंकरनारदेण वेयालो । सुमरणाणंतरमेव विणय-विहिय-करयलंजलीपुरओ पज्जुवढिओ। भणियमणेण “समाइसह पओयणं ।” “रण्णा भणियं-“समरसमुद्दाओ नित्थरणोवायं चितेहि ।'
तओ तेण तक्खणा चेव पवण-सहायं पउत्तं परबले अग्गेयसत्थं । तेण य बलिउमाढत्ताणि करिकरह-तुरंगाईण पुच्छाणि । जलिय-जलण-जालावली पलीविया दझंति करि-तुरय-नराण गुड-पक्खर-सण्णाहा । तडतडारावहिरियसवणंतराभरिपहरण-भरि-उदरा दज्झंति सार-संदणा । जलणभउब्भंतलोयणा दसोदिसि पलायंति नरिंदनंदणा उक्क व्व निवडंति नहयलाओ, जलताणि आयवत्ताणि । खर-पवणपणोल्लियाणि जलण-जालाकरालाणि, तुट्टिऊण गयणंगणा गच्छति धयवड-खंडाणि ।
एत्यंतरे मुणिय-समासण्णमरणा, अनत्तसरणा, दीण-वयणा, संमूढ-पाणा, मुक्काभिमाणा खेमकरमेव सरणमुवागया सव्वेवि रायाणो। तेण वि पणय-वच्छलत्तणेण वारिओ वेयालो । उवसंतो अग्गि-संभमो । जायं सत्थावत्थं सव्वंपि परबलं । संपूजिऊण विसज्जिओ खेमंकरेण वेयालो । कया राईण जहोचिया पडिवत्ती । तओ तगुण-रंजिय-माणसेहि दसहि पहाणनरिंदेहि "जय-जयपाल-जयवम्म-विजयवम्म-दुप्पसह-परंतप-सूर-सूरसेण-मुह-दुम्मुहाभिहाणेहिं जहक्कमदिण्णाओ रयणावलि, कणगावलि, मुत्तावलि, सयंपहा, सिरिकता, सिरिप्पहा, सोहग्गसिरि, अणंगसिरि, विजयसिरि नामियाओ निय-निय दुहियाओ । वित्तं पाणिग्गणं । ढोइयाणि करि-तुरयधणपमुहाणि पहाण-पाहुडाणि । पडिवज्जिऊण भिच्चभावं गया निय-नियनयरेसु । खेमंकरराया वि अणवरय-पयाणएहिं वहमाणो पत्तो पायालतुंबिणीं नाम नरि । आवासिओ बाहिरीयाए । वोलीणो पढमजामो जामिणीए । पसुत्तो परियणो । इओ तओ पेक्खंतेण दिट्ठो ईसाणकोणे जलंतो जलणो । कोऊयावहिय-हियओ गहिऊण मंडलग्गं अलक्खिओ परियणेण एगागी चेव निग्गओ नराहिवो । पत्तो तमद्देसं । दिट्राओ मसाणमझे रत्त-चंदण-चच्चिय-सरीराओ, कंधारावलंबिय-रत्त-कणवीरमालाओ, रत्तचंदण लिहिय-महल्ल-मंडल-संठियाओ, असाहारणरूव-सोहग्गाइगुणगण-समलंकिय-विग्गहाओ, सुरसुंदरीओ विव सग्गपन्भट्ठाओ, पायालकण्णगा इव रसायलमागयाओ छ कण्णगाओ । “अहो ! महंत चोज्ज । पेक्खामि ताव अवसाणं ।” एवं विचिंतिय पच्छण्णमेव तुण्हिक्को ठिओ राया ।
एत्यंतरे समागओ अकालमच्चू नाम कावालिगो । वाइओ तेण डमडमारावभीसणो डमरुओ। संखुद्धा तस्स सद्देण भूय-पिसाया । किलिकिलिया वेयाला । मिलियाओ जोइणि-साइणीओ।" प्रीयंतां प्रीयंतां गृण्हन्तु भवन्तः” एवं भणतेण पक्खित्तो पेयवण-परिपेरंतेसु बली । समागओ मंडलं । कओ मंतजावो । तडिच्छडाच्छोयभासुरं कड्ढियं कोसाओ करवालं कयं दाहिणकरे । भणियाओ बालियाओ-"सुमरह इट्ठदेवयं । कुणह सुदिट्ठमिमं जीवलोयं । एय पज्जवसाणो तुम्हाण जीवलोगो ।"
Jain Education International 2010_04
For Private & Personal Use Only
www.jainelibrary.org
| SR No. | 002596 |
| Book Title | Manorama Kaha |
| Original Sutra Author | Vardhmansuri |
| Author | Rupendrakumar Pagariya |
| Publisher | L D Indology Ahmedabad |
| Publication Year | 1983 |
| Total Pages | 402 |
| Language | Sanskrit |
| Classification | Book_Devnagari & Literature |
| File Size | 11 MB |