Page Text
________________
भगवतीचूर्णिः जीवस्स पदेसपधाणपत्थरियस्स अट्ठ जीवपदेसा मज्झे रुयगसंठिया उवरि चत्तारि हेट्ठा य तेण संचरंति । सेसातोदारियादिसरीरविसेसमसंकोवायोपदेसंतरसंपरिबंधे णो हवंति । कण्ण-छिद्दधरादिसुद्धा । तत्थवियतिलं एगेण सह दो पासतो जे हेट्ठा य एगो । एतेसिं तिण्हं । जो एगो मज्झे तेण सह अणादीतो अपजवसितो ॥छ।।
सादीअपजवसाणो सेलेसिं संठवियपदेससंठित्ती सिद्धस्स णिच्चा बाहिरब्भंतरकिरिया विसेसा संभवातो खं.देसाणवं. उक्खेवणीखेवा भाणियव्वा जाव सरीरवजे।।
पुव्वपयोगे पच्चंतिए य अपच्चुप्पण्णपढमो नेरइयादीणं संसारत्थसव्वजीवाणं । तत्थ तत्थ खेत्ते तेहिं तेहिं कारणेहिं तम्हि तम्हि काले वेदनासमुग्घातकसायवेउब्विया आहारा तेया मारणांतिकसमुग्घाय समोहयणिच्छूढवयदेससंघातो समुप्पजति । पुव्वदव्वचेयणवत्तपव्वतितो पच्चुपण्णो । सेस कम्मायु तुल्ली करणत्थं केवली समो भण्णति । तत्थ पढमे समए सरीरप्पमाणं हेट्ठावरिल्लो अंतपतिट्ठियं दव्वंडं करेंति, दुतिते पुव्वावराई कवाडं करेंति, ततिते पदक्खिणो य तं कवाडं करेंति । चउत्थे कवाडंतराणिं जीवपदेसमप्पणाणि करेंति । पंचमे मंथंतरोवसंहारं । एत्थ तेयो कम्मगसरीरसंघायं जीवपदे(स)संघायसह चरियमारभवे । छट्ठ सत्तट्ठमेसु तं जहागता तहेवोवसंघारो वा ॥छ।।
सरीरप्पयोगबंधो पंचविहो । ओरालियादि । ओरालिओ पंचविहो । एगिदियादिपुढविक्कातियादि सव्वे भेदा सट्ठाणेसु पत्थरिजंति । सुहुम-बायरपजत्तादिणो य भेदा संभवतो ओरालियसामण्णं कारणं मग्गति । ओरालियं कारणं-जस्स वीरियादिकरणं वितियमवि एगिदियोरालियं सामण्णं कारणं भण्णति तं चेव । एवं जाव सव्वभेदाणं कारियाणं कारणं णिद्दिवाणि । एवं पु । आ । ते । वा । व । बे । ते । च । पंचिंदियतिरिय-मणुस्सा ओरालियओहियं । एगिदिएहिं सव्वे बारस १२, । एतेसिं देशबंधो य सव्वबंधो य। सव्वबंधो नाम जे पोग्गला विसयसंपत्ता ते णिस्सेसा णिरूवलेसा ओरालियत्तेण परिणामेति । सो य पढमसमयोववाते हवति । देसबंधो वि केसिं चि पोग्गलाणं ओरालियत्तेण चयो अण्णेसिं पारिसाडं दोहिं पि पूयगदिटुंतो ओरालियप्पओगबंध ओहियं एगेंदिय-पंचिंदिय संभविणं, सव्वदेसजहण्णोक्कस्सं भेदभिण्णं मग्गति । कालभेदेण सव्वबंधो उववातपढमसमये उक्कस्स जहण्णो देसबंधो । गहण-चागलक्खणो पोग्गलाणं । जहण्णो एगो समइतो, ओरालियसरीरी वेउब्वियसरीरी वेउब्वियलद्धी । ओरालियातो वेउब्वियं काऊणं अंतोमुहत्तपडिआगओ ओरालियदेसबंधो एग समयं द्वि वा मरेज्जा । उक्कस्स तिण्णि पलितोवमाई
Jain Education International 2010_04
For Private & Personal Use Only
www.jainelibrary.org
| SR No. | 002595 |
| Book Title | Agam 05 Ang 05 Bhagvati Vyakhya Prajnapti Sutra Churni |
| Original Sutra Author | Sthaviracharya |
| Author | Rupendrakumar Pagariya |
| Publisher | L D Indology Ahmedabad |
| Publication Year | 2002 |
| Total Pages | 122 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 6 MB |