Page Text
________________
भगवतीचूर्णिः सेसाहारगा ? दो वि सिया । वेयणिजं नियमा आहारतो सेलेसिसिद्धो ण बंधति, अणाहारतो सेसा बंधति । आउयं पुण आहारतो नियमा बंधति । जो पुण (अ)णाहारतो विग्णहगतिआदितो सो ण बंधति । 'सुहुमे त्ति' सुहुमोदयातो सुहुमो बादरोदयातो वा ततो बादरो खवग-भवत्थकेवली ण बंधति । सेसो बंधति । इतरो सिद्धो । एवं सत्त वि एतेसु हाणेसु जत्थ णिच्चं सिय तिय आउयं बादरो सिय सव्वहायव्व वा अबंधतो वा वोछिन्नकालं बंधतो वा । इतरो अबंधतो । 'चरमि त्ति' । भवसंसारितो दुविहो - सेसो अरिदमो चरिमो सिज्झिस्सति । तहा वि बंधति । अहक्खातोवरिता बंधति । अचरिमो वि सिद्धो ण बंधति । सेसो बंधति । एवं एते सव्व वि सिय बंधति सिया ण बंधति । एतेसिं चेव सव्वपदाणं अप्पाबहुयं भेदेण समुदायेण भाणियव्वं । छट्ठस्स ततियो ।
जीव आहारग, अणाहारग, भविय, अभविय, णोभविय, णोअभविय, सण्णि, असण्णि, णोसण्णि, णोअसण्णि, सलेस, काउले(स), किण्ह-नील-काउले. तेउले. पम्ह-सुक्का, अलेस्स, सम्मद्दिट्टी मिच्छादिट्टी, सम्मामिच्छाद्दिट्टी, संजत-असंजत. संजतासंजत, णोसंजत, णोअसंजत, कोहमाण-माया. लोभ, अकसाय । णाणो आभिनिबोहिय-सुत-ओधि-मण-केवल, मतिअण्णाण - सुतअण्णाण विभंगअण्णाण । सजोग मणजोग, वइजोग, कायजोगं अजोग । उवजोग, सागार, अणागार । 'वेद' इत्थिवेद पुरिसवेद, नपुंसकवेद, अवेद । ससरीरी ओरालिय वेउब्विय, आहारग, तेया, कम्मा-असरीरी । आहारपज्जत्ती, सरीरपज्जत्ती, इंदियपज्जत्ती, आणापाणुपज्जत्ती, भासा-मणपज्जती, आहारपजती, सरीरापजत्ती, इंदियापजत्ती, आणापाणुअपजत्ती, भासा-मणअपज्जती, चउरिंदिय । एताणि सुत्तपदाणि । एगत्तेण य बहुत्तेण य । पत्तेयं पत्तेयं कालसपदेस-अपदेसत्तेण, एवं सेसियाणि छब्बीसयेसु उणेसु चारिजंति । तं जहा - जीवे, णेरइता, असुरादिणो दस पुढवी, आऊ-तेऊ-वाऊवणस्सति, बेइंदित तेइंदित, चउरिंदित, पंचिंदिय, तिरिक्खजोणिय, मणुस्स-वाणमंतर-जोतिसियवेमाणिय-सिद्धा । तीय पडुपण्णाणागतो तिविहो कालो । एतेसिं दव्वाणं पुव्वमण्णम्मि भवे होत्तूण भावंतरं पडिवजति । तत्थ पढमसमयपडिवत्ति वट्टमाणसमयदेसंतोऽवबद्धदव्वादि तम्मि चेव भावे दुतियसमयादिसु वट्टमाणं सय देसं भवति । एसो अत्थो मंतिजति । जीवेणं भंते ! कालादेसेणं सपदेसे अपदेसे ? ण जीवो अजीवो होत्तूण जीवत्वे पढमसमयभावीति कटु, तीत-वट्टमाणागतद्धासु जीवभाव पढम(सम)यमणुभवति, तेण नियमा जीवपदेसयदेसो हेरइए एगत्तेण नेरइयपज्जाएण य पढमसमयभावी, अपदेसा दुतियातिसमयभावी, सपदेसो एत्थ य एगण्णं सामण्णेण ण णज्जति । किं सपदेसो घेप्पतु
Jain Education International 2010_04
For Private & Personal Use Only
www.jainelibrary.org
| SR No. | 002595 |
| Book Title | Agam 05 Ang 05 Bhagvati Vyakhya Prajnapti Sutra Churni |
| Original Sutra Author | Sthaviracharya |
| Author | Rupendrakumar Pagariya |
| Publisher | L D Indology Ahmedabad |
| Publication Year | 2002 |
| Total Pages | 122 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 6 MB |