________________
१४
आयारो
३२. एत्थ सत्थं असमारंभमाणस्स इच्चेते आरंभा परिण्णाता भवंति ।
३३. तं परिण्णाय मेहावी नेव सयं पुढवि-सत्थं समारंभेज्जा, नेवण्णेहि
पुढवि-सत्थं समारंभावेज्जा, नेवण्णे पुढवि-सत्थं समारंभंते
समणुजाणेज्जा। ३४. जस्सेते पुढवि-कम्म-समारंभा परिण्णाता भवंति, से हु मुणी परिण्णात-कम्मे।
—त्ति बेमि।
तइओ उद्देसो
समप्पण-पदं ३५. से बेमिसे जहावि अणगारे उज्जुकडे, णियागपडिवण्णे अमायं
कुव्वमाणे वियाहिए।
३६. जाए सद्धाए णिक्खंतो, तमेव अणुपालिया। विजहित्तु विसोत्तियं ।
३७. पणया वीरा महावीहि ।
आउकाइयाणं अत्थित्त-अभयदाण-पदं ३८. लोगं च आणाए अभिसमेच्चा अकुतोभयं ।
Jain Education International 2010_03
For Private & Personal Use Only
www.jainelibrary.org
