________________
आयारो
चउत्थो उद्देसो
भगवओ अतिगिच्छा-पदं १. ओमोदरियं चाएति, अपुढे वि भगवं रोगेहिं। पुढे वा से अपुढे वा, णो से सातिज्जति तेइच्छं ।
२. संसोहणं च वमणं च, गायब्भंगणं सिणाणं च।
संबाहणं ण से कप्पे, दंत-पक्खालणं परिण्णाए॥
३. विरए गामधम्मेहिं, रीयति माहणे अबहुवाई। सिसिरंमि एगदा भगवं, छायाए झाइ आसी य ।।
भगवओ आहार-चरिया-पदं ४. आयावई य गिम्हाणं, अच्छइ उक्कुडुए अभिवाते ।
अदु जावइत्थ लूहेणं, ओयण-मंथु-कुम्मासेणं
५. एयाणि तिण्णि पडिसेवे, अट्ठ मासे य जावए भगवं ।
अपिइत्थ एगया भगवं, अद्धमासं अदुवा मासं पि॥
६. अवि साहिए दुवे मासे, छप्पि मासे अदुवा अपिवित्ता।
रायोवरायं अपडिण्णे, अन्नगिलायमेगया भुजे॥
७. छट्टेणं एगया भुंजे, अदुवा अट्टमेण दसमेणं ।
वालसमेण एगया भंजे, पेहमाणे समाहिं अपडिण्णे ॥
For Private & Personal Use Only
Jain Education International 2010_03
www.jainelibrary.org
