________________
२५०
आयारो
पंचमो उद्देसो
तितिक्खाधुत-पदं ६६. से गिहेसु वा गिहतरेसु वा, गामेसु वा गामंतरेसु वा, नगरेसु वा
नगरंतरेसु वा, जणवएसु वा जणवयंतरेसु वा, संतेगइया जणा लूसगा भवंति, अदुवाफासा फुसंति ते फासे, पुट्ठो वीरोहियासए।
धम्मोवदेसधुत-पदं १००. ओए समियदंसणे।
१०१. दयं लोगस्स जाणित्ता पाईणं पडीणं दाहिणं उदीणं, आइक्खे
विभए किट्टे वेयवी।
१०२. से उठ्ठिएसु वा अणुट्ठिएसु वा सुस्सूसमाणेसु पवेदए—संति,
विरति, उवसमं, णिव्वाणं, सोयवियं, अज्जवियं, मद्दवियं, लाघवियं, अणइवत्तियं।
१०३. सव्वेसि पाणाणं सव्वेसि भूयाणं सव्वेसि जीवाणं सव्वेसि सत्ताणं
अणुवीइ भिक्खू धम्ममाइक्खेज्जा।
१०४. अणुवीइ भिक्खू धम्ममाइक्खमाणे--णो अत्ताणं आसाएज्जा,
णो परं आसाएज्जा, णो अण्णाइं पाणाई भूयाइं जीवाइं सत्ताई आसाएज्जा।
Jain Education International 2010_03
For Private & Personal Use Only
www.jainelibrary.org
