________________
१५८
आयारो २०. आवंती केआवंती लोयंसि समणा य माहणा य पुढो विवाद
वदंति—से दिळं च णे, सुयं च णे, मयं च णे, विण्णायं च णे, उड्ढं अहं तिरियं दिसासु सव्वतो सुपडिलेहियं च णे- “सव्वे पाणा सव्वे भूया सवे जीवा सव्वे सत्ता हंतव्वा, अज्जावेयव्वा परिघेतव्वा, परियावेयव्वा, उद्दवेयव्वा । एत्थ वि जाणह णत्थित्थ बोसो।"
२१. अणारियवयणमेयं ।
२२. तत्थ जे ते आरिया, ते एवं वयासी–से दुद्दिळं च भे, दुस्सुयं च
भे, दुम्मयं च भे, दुन्विण्णायं च भे, उड्ढं अहं तिरियं दिसासु सव्वतो दुप्पडिलेहियं च भे, जण्णं तुब्भे एवमाइक्खह, एवं भासह, एवं परूवेह, एवं पण्णवेह-“सव्वे पाणा सव्वे भूया सव्वे जीवा सव्वे सत्ता हंतव्वा, अज्जावेयव्वा, परिघेतव्वा, परियावेयव्वा, उद्दवेयव्वा। एत्थ वि जाणह णत्थित्थ दोसो।"
२३. वयं पुण एवमाइक्खामो, एवं भासामो, एवं परूवेमो, एवं पण्ण
वेमो—“सव्वे पाणा सव्वे भूया सव्वे जीवा सव्वे सत्ता ण हंतव्वा, ण अज्जावेयव्वा, ण परिघेतव्वा, ण परियावेयव्वा, ण उद्दवेयव्वा एत्थ वि जाणह णत्थित्थ दोसो।"
२४. आरियवयणमेयं ।
२५. पुव्वं निकाय समयं पत्तेयं पुच्छिस्सामो-हंभो पावादुया ! किं
भे सायं दुक्खं उदाहु असायं?
Jain Education International 2010_03
For Private & Personal Use Only
www.jainelibrary.org
