________________
१५२
आयारो
पढमो उद्देसो
सम्मावाए अहिंसा-पदं १. से बेमिजे अईया, जे य पडुप्पन्ना, जे य आगमेस्सा अरहंता
भगवंतो ते सव्वे एवमाइक्खंति, एवं भासंति, एवं पण्णवेति, एवं परूवंति-सव्वे पाणा सव्वे भूता सव्वे जीवा सव्वे सत्ताण हंतव्वा, ण अज्जावेयव्वा, ण परिघेतव्वा, ण परितावेयव्वा, ण उद्दवेयव्वा।
२. एस धम्मे सुद्धे णिइए सासए समिच्च लोयं खेयण्णेहिं पवेइए।
३. तं जहा—उट्ठिएसु वा, अणुट्ठिएसु वा ।
उवट्ठिएसु वा, अणुवट्ठिएसु वा । उवरयदंडेसु वा, अणुवरयदंडेसु वा । सोवहिएसु वा, अणोवहिएसु वा। संजोगरएसु वा, असंजोगरएसु वा।
४. तच्चं चेयं तहा चेयं, अस्सि चेयं पवुच्चइ।
५. तं आइइत्तु ण णिहे ण णिक्खिवे, जाणित्तु धम्मं जहा तहा।
६. दिठेहि णिव्वेयं गच्छेज्जा।
___Jain Education International 2010_03
For Private & Personal Use Only
www.jainelibrary.org
