________________
८४
आयारो
६४. सव्वेसि जीवियं पियं ।
६५. तं परिगिज्झ दुपयं चउप्पयं अभिमुंजियाणं संसिंचियाणं तिविहेणं
जा वि से तत्थ मत्ता भवइ-अप्पा वा बहुगा वा।
६६. से तत्थ गढिए चिट्ठइ, भोयणाए।
६७. तओ से एगया विपरिसिळं संभूयं महोवगरणं भवइ।
६८. तं पि से एगया दायाया विभयंति, अदत्तहारो वा से अवहरति,
रायाणो वा से विलुपंति, णस्सति वा से, विणस्सति वा से, अगारदाहेण वा से डज्झइ।
६९. इति से परस्स अट्ठाए कूराई कम्माइं बाले पकुव्वमाणे तेण
दुक्खेण मूढे विप्परियासुवेइ ।
७०. मुणिणा हु एयं पवेइयं । ७१. अणोहंतरा एते, नो य ओहं तरित्तए।
अतीरंगमा एते, नो य तीरं गमित्तए। अपारंगमा एते, नो य पारं गमित्तए॥
७२. आयाणिज्जं च आयाय, तम्मि ठाणे ण चिट्ठ । - वितहं पप्पखेयण्णे, तम्मि ठाणम्मि चिट्ठइ ॥ ७३. उद्देसो पासगस्स पत्थि ।
Jain Education International 2010_03
For Private & Personal Use Only
www.jainelibrary.org
