Page Text
________________
हितोपदेशः । गाथा- ४४५
-
Jain Education International 2010_02
व्रतस्य सुदृढपरिपालने चेटकनरेन्द्रकथानकम् ।।
डिभइ पुणो दूओ आवयभूया इमे धुवं तुज्झ । ता एयाण निमित्तं रज्जब्धंसं भयसि कीस ।।४७।। सामरिसो वेसालीसामी वि हु भणइ दूय ! किं बहुणा । अप्पेमि न कस्सावि हु हल्लविहल्ले हढेणाहं ।। ४८ ।। - मुणिऊण निच्छयं से दूओ चंपाहिवस्स साहेइ । अह दंडघट्टिओ विसहरु व्व विप्फुरियकोवभरो ।। ४९ ।। दावेइ तक्खणं चिय पयाणढक्कं स चेडगस्सुवरिं । कालाइणो कुमारा सन्नद्धा दस वि तेण समं ।। ५० ।। हयगयरहाण सहसा पत्तेयं तिन्नि तिन्त्रि सव्वेसिं । कोडीओ तिनि पुढो पत्तीणिक्कारसन्हं पि ।। ५१ ।। इय इत्तियमित्तेहिं सिनेहि तदुक्खएहिं य रएहिं । धरणिं तरणिं च तया छाएंतो कूणिओ चलिओ ।।५२ ।। पणिहिमुहेणं मुणिऊण चेडगो वि हु समावडतं तं । अट्ठारसहिं समेओ गणराईहिं तओ चलिओ ।। ५३ ।। हयगयरहजोहाणं संखा इक्कारसन्ह जा वृत्ता । पत्तेयं पत्तेयं स यि अट्ठारसन्हं पि ।।५४।। तावइएहिं समेओ वेसालीसामिओ वि सिन्नेहिं । सागरवूहं काउं ठिओ सदेसस्स सीमाए ।। ५५ ।। अक्खंडपयाणेहिं चंपानाहो वि निययसीमाए । आवासिओ बलेहिं गरुडवूहं रयावेडं । । ५६ ।। कालकुमारो ठविओ चंपानाहेण सिनसामि त्ति । दोसु वि बलेसु जाया कमसो संगामसामग्गी ।।५७।। बंडखंडमंडवविहंडडुमरघोरघोसाइं । रणतूराई पहयाई सुहडरोमुग्गमकराई ।। ५८ ।। पाइका पाइक्aहिं अस्सवारा य अस्सवारेहिं । रहिया रहिएहिं तया गयाहिरूढा गयगएहिं ।। ५९ ।।
भट्ठा भट्टेहिं उघट्टियकुलबलेहिं तोरविया । नियसामिकज्जसंसाहणिक्करसिया रणे सुहडा ।। ६० ।। कुडिलधणुपेरिएहिं तिक्खमुहेहिं व मम्ममहणेहिं । दुज्जणवयणेहि व मग्गणेहि को सल्लिओ न तहिं । ६१ ।। सुडेहिं कंकंडा जे धरिया हिययम्मि निद्धबंधु व्व । नित्तिंसेहिं ते अहह ! भेइंया बद्धमुट्ठीहिं । । ६२ ।। असिहत्थेण विलू कुंतकरेणं च कीलिए सीसे । तो दोवि निहणिऊणं तप्पुव्वहओ गओ निहणं ।। ६३ ।। Brittaar कस्स वि वामेयरे करे लूणे । असिधेणूइ हणंतो वामकरो दक्खिणो जाओ ।।६४।। जोहकरमुक्कगुरुसव्वलोहवणविवरगलिररुहिरोहा । दीसंति सगेरुयनिज्झर व्व गिरिणो रणे करिणो । । ६५ ।। कालकूलिणीहिं करिगिरिदेहुब्भवाहिं संरुद्धा । न मिलंति केवि दढरूढगाढरागा वि सुहडोहा । । ६६।। एवंविहंमि समरे सागरवूहं विगाहिय सयलं । पोउव्व कालकुमरो तडं व चेडयनिवं पत्तो । ६७ ।। कुलिस पिव अक्खलियं तमन्त्रपहरणगणेहिं मुणिऊण । तप्पाणमग्गणं दिव्वमग्गणं चेडगो मुयइ ।। ६८ ।। सह कूणियविजयमणोरहेण बाणेण तेण तक्कालं । कालं कालस्स मुहे छुहेइ वेसालिपुरिनाहो । । ६९ ।। सह कालकुमारेणं अत्थमिए दिणवइम्मि तिमिरेण । सोएण व चंपाहिवसिनं छन्नं जयं सयलं ।। ७० ।। सोयपमोयपराणं रयणी चंपेसचेडयबलाणं । जग्गंताण विलीणा गोसम्मि तओ महाकालो ।। ७१ ।। विहिओ सेणानाहो चंपानाहेण सो वि जुज्झतो । वेसालिसामिणा लहु निहओ दिव्वेण बाणेण ।। ७२ ।। इय दस दसहि दिणेहिं सेणियनिवनंदणा महाबलिणो । चेडगनरनाहेणं अमोहविसिहेण निट्टविया ||७३ ||
४१५
For Private & Personal Use Only
www.jainelibrary.org
| SR No. | 002567 |
| Book Title | Hitopadesh |
| Original Sutra Author | N/A |
| Author | Prabhanandsuri, Parmanandsuri, Kirtiyashsuri |
| Publisher | Sanmarg Prakashan |
| Publication Year | 2009 |
| Total Pages | 534 |
| Language | Sanskrit |
| Classification | Book_Devnagari & Literature |
| File Size | 11 MB |