________________
तृतीयं चतुरङ्गीयाध्ययनम्
जीर्णस्तोकपरीशुद्धचेलभोगेऽप्यचेलता ।
तथा साधीर्यतः प्रोक्तं मूर्च्छाऽभावात् सदप्यसत् ॥ ४४॥
यथा कटीवस्त्रबद्धशिरा मग्नो जले नरः । नग्न इत्युच्यते लोकैर्नाग्न्यमस्ति तथा मुनेः ॥४५॥ अतुल्यधृतिसंस्थाना एकोनज्ञानिनो जिना: । अच्छिद्रपाणिपात्राश्च जिताखिलपरीषहाः ||४६ || व्रतं वस्त्राद्यभावेऽपि धारयेयुस्तथाऽपि ते । मुनीनामम्बराज्ञार्थं व्रतारम्भे सचेलकाः ||४७|| वैद्योपदेशतो रोगी वैद्यवेषमनाचरन् । क्लेशेभ्यो मुच्यते तद्वद् जैनाज्ञाऽऽराधको मुनिः ॥४८॥
योग्यताया अभावेन तन्नेपथ्यादिकं दधत् । प्राप्नोति निन्द्यतां लोकेऽर्हन्तो हि भुवनातिगाः ॥४९॥
जीर्णप्रायोग्यवस्त्राणां निमूर्च्छमुपभोगतः । अन्यथा परिभोगाद् वा विद्धि साधूनचेलकान् ॥५०॥ इति प्रज्ञापितोऽप्येष मिथ्यात्वोदयतः कुधीः । उपाश्रयाद् विनिर्यातस्त्यक्तवेषः पिशाचवत् ॥५१॥ उत्तराऽऽख्या स्वसा तस्य साध्वी श्रुत्वैतदद्भुतम् । तमुद्यानगतं नन्तुं गता भ्रातृमतानुगा ॥५२॥ त्यक्त्वाऽम्बराणि सर्वाणि भिक्षाऽर्थमविशत् पुरे । ददृशे वेश्यया तादृग्बीभत्साकारधारिणी ॥५३॥ मैनां दृष्ट्वा विरक्तोऽभूद् लोकोऽस्मास्विति बुद्धितः । तया चीवरमक्षेपि तस्याः शिरसि दक्षया ॥५४॥ तुभ्यं देवतया दत्तमिति सोदरवाक्यतः । सा पर्यधात् ततो वस्त्रं शिवभूतिस्त्वनम्बरः ॥५५॥ कोडिन्यकोष्ठवीराख्यावभूतां तद्विनेयकौ ।
ततः परम्पराख्यातमभूद् विस्तारि तन्मतम् ॥५६॥ एवं केऽपि भवाब्धितारणतरीं प्राप्यापि बोधि परां, मिथ्यात्वोदयतः कदाग्रहधियस्तां नाशयन्ति क्षणात ।
For Private & Personal Use Only
Jain Education International 2010_02
१९७
www.jainelibrary.org
