________________
परिशिष्टम्-५ त्रिषष्टिध्यानकथानककुलकम्
निदाए आहरणा, थीणद्धिगया उ पुत्तलाईया । नीयाणंमी उ नेया, गंगदत्ताइआहरणा ।। १२ ।। नेहमी उ मरुदेवी, अरहण्णगवइरसामिमाई उ । कामे कुमारनंदी, हासपहासे सुमुच्छीओ ।। १३ ।। मायावलेव कलुस-झाणंमी अभि महापीढपीढा य । कलहे कमलामेला-हरणे पुण नारओ नेओ ।। १४ ।। जुझंमि कोणिओ खलु, पज्जोओ चेव सुहुमठाणेसु । निजुज्झमी य भरहो, बाहुबली चेव दिटुंतो ।। १५ ।। संगमि उ भवदेवो, गहियवओ नागिलाइ अणुरत्तो । संगहझाणंमि तहा, दव्वे लुडुव्व मम्मणओ ।। १६ ।। ववहारंमि सवत्ती-जुयलं पुत्तत्थहेउ विवयंतं ।। कयंविक्कयझाणंमी[मि], कुसगाहीलुद्धनंदो उ ।। १७ ।। तहणत्थदंडझाणे, वहगा दीवायणस्स संबाई ।। आभोगी[गे] बंभदत्तो, बंभणअच्छी विकतो ।। १८ ।। अणाभोगझाणंमी[मि] पसनचंदो महारिसी नेओ ।। रिणआविलझाणंमी[मि] तिल्लग्गाहा समणभगिणी ।। १९ ।। वेरंमि फरुसरामो, सुदाढ[ढो] तह सालसीसतावसिया । वीयके रज्जनिमीत्तं, ऊहंतो चाणको नेओ ।। २० ।। हिंसाए कालसूयर, निनगवणिओ णेओ महेसरदत्तो । हासंमी चंडरुद्दस्स, भाविसीसो समित्तो य ।। २१ ।। पहसंमि य पज्जोओ, वारत्तरिसिं समं उवहसंतो ।। पओसे कमठो गोवो, कउसिलसखवगो य वीरस्स ।। २२ ।। फरुसे चुलणी-मणिरह सप्पागरिसो य सावियाइ पई ।। भयझाणंमि वि भद्दो, गयसुकुमालस्स उवघाई ।। २३ ।। अप्पपसंसाझाणे, रहकारो अंबलुबि तोडिंतो । परनिंदाए खवगो, कूरगडू पइ पडिनिविठ्ठो ।। २४ ।।
Jain Education International 2010_02
For Private & Personal Use Only
www.jainelibrary.org
