________________
३३०
आतुरप्रत्याख्यानप्रकीर्णकम्
देहं असुइ दुगंधं भरियं पुण पित्त-सुक्क-रुहिराणं । रे जीव ! इमस्स तुमं मा उवरिं कुणसु पडिबंधं ।।११।। मा कुणसु तं नियाणं सग्गे किर एरिसीओ रिद्धीओ । मा चिंतेहिं सुपुरिस ! होइ सया नेव जं जोगं (?) ।।१२।। पुन्नं पावं च दुवे वच्चइ जीवेण णवरि सह एयं । जं पुण इमं सरीरं कत्तो तं चलइ ठाणाओ ? ।।१३।।
गा. १४-१८. देहस्स उवालंभो] मा मे छुहा भविस्सइ इमस्स देहस्स संबलं बूढं । तेणं चिय देह ! तुमं खल ! गहिओ किं न सुकएणं ? ।।१४।। मा मे तण्हा होही मरुत्थलीसुं पि पाणियं वूढं । तेणं चिय देह ! तुमं खल ! गहिओ किं न सुकएणं ? ।।१५ । मा मे उणहं होही इमस्स देहस्स छत्तयं धरियं । तेणं चिय देह ! तुम खल ! गहिओ किं न सुकएणं ? ।।१६।। मा मे सीयं होही पावरियं वत्थ-कंबलसएहिं । वच्चंते पुण जीवे खलस्स कंथं पि नो चलियं ।।१७।। बहुलालियस्स बहुपालियस्स तह सुरहिगंध-मल्लस्स । खल देह ! तुज्झ जुत्तं पयं पि नो देसि गंतव्वे ।।१८ ।।
[गा. १९-२५. सुहभावणा] सारीर-माणसेहिं दुक्खेहिं अभिदुयम्मि संसारे । सुलहमिणं जं दुक्खं, दुलहा सद्धम्मपडिवत्ती ।।१९।। धन्नो हं जेण मए अणोरपारस्मि भवसमुद्दम्मि । नहूँ (? लद्धं) जिणिंदपोयं जं दुलभं भवसएहिं पि ।।२०।। तिरियत्तणम्मि बहुसो पत्ताओ तुमे अणेगवियणाओ । ता ताई संभरंतो विसहेज्जसु वेयणं एयं ।।२१।। नरयम्मि वि जीव ! तुमे नाणादुक्खाइं जाई सहियाइं । इण्हिं ताई सरेत्तुं विसहेज्जसु वेयणं एयं ।।२२।।
Jain Education International 2010_02
For Private & Personal Use Only
www.jainelibrary.org
