________________
जयन्ती प्रकरणवृत्तिः । गाथा २५।२६
ता सामिणि ! कोवभरं ममोवरिं मा करेहि जेणाहं । गन्धव्वियगीएणं अच्चन्तपरव्वसीभूया ॥२०॥ इय विन्नत्ते तीए भद्दा अक्खित्तमाणसा जाया । उम्माहमुव्वहन्ती गन्धव्वयगीयसवणम् ॥ २१ ॥ जम्पइ दासीहुत्तं हले कहं ? पुप्फसालगीयमहं । अविगाणेण मुणिस्सं कन्नाण रसायणमणन्नं ? ॥२२॥ दासी भणेइ सामिणि ! पउत्थवइयाण सीलवंताण । देवायणम्मि पूयामिसेण जुत्तं बहिं गमणं ||२३|| ता देवि अहं कम्मि वि महूसवे देवमन्दिरे कम्मि । गीयावसरं नाउं जाणाविस्सामि सिग्घयरं ||२४|| अह अन्नदिणे जत्ता जाया जक्खस्स मन्दिरवरम्मि । जाणावियाए तीए गंतुं तो उस्सुया भद्दा ॥ २५॥ न्हाया कयबलिकम्मा पुप्फसणाहपरियरसमग्गा । जा गच्छइ जक्खगिहे उवसन्तं ताव पिच्छणयं ||२६|| तो भद्दाए भणिया दासी गन्धव्वियं पि दंसेहि । सो य पत्तो देउलच्छायाए दंसिओ तीए ॥ २७॥ परिगलियलालवयणंतरालअइविसमलम्बदन्तुट्ठो । कज्जलसामलदेहो दिट्ठो गन्धव्विओ तीए ॥२८॥ दट्ठूण पुप्फसालं विसण्ठुलं कुच्छणिज्जसव्वंगं । उच्छलियदुगञ्छाए खित्तं धरणीए निवणं ॥ २९॥ दिट्ठे कुसीलवेहिं तीए गेहं गयाए सो हसिओ । किं ? तुज्झ जीविएणं गीएणं वा पि महुरेणं ॥३०॥ धणसत्थवाहपत्ती सुयकित्ती तुज्झ गीयसवणत्थं । रूवेण मयणघरणी समागया आसि रहसेण ||३१|| सुत्तस्स तुज्झ रूवे जुगुच्छणिज्जम्मि दिट्ठमित्तम्मि । निट्ठीवणेण तीए अम्ह समक्खं कयाऽवन्ना ||३२||
Jain Education International 2010_02
For Private & Personal Use Only
३६७
5
- 10
15
20
25
www.jainelibrary.org
