________________
३६६
10
जयन्तीप्रकरणवृत्तिः । गाथा २५।२६ दिणमणिकिरणकलावे पसरन्ते हुन्ति जह जए पयडा । अत्था तह अत्थेण गुणा वि परिवड्डमाणेण ॥७॥ इच्चाइ चिन्तिऊणं भणिया भद्दा अणेण जह भद्दे ! । अत्थोवज्जणहेउं गच्छिस्सं अन्नदेसम्मि ॥८॥ चिरसंचिया वि लच्छी छिज्जइ जम्हा अणायवयवसओ । निच्चं उल्लिञ्चन्तो कालेणं सुसइ जलही वि ॥९॥ तुमए पुण कायव्वो घरम्मि अप्पम्मि रक्खणापयत्तो । जावऽज्जिऊण अत्थं अहमागच्छामि निविग्घं ॥१०॥ देसन्तरविणिवत्तजोग्गाइ कयाणगाइं घित्तूण । वाणिज्जेणं गच्छइ एसो गरुएण सत्थेण ॥११॥ भद्दा वि घरे चिट्ठइ नेवत्थेणं पउत्थवइयाए । धणसत्थवाहपिययमसुमरणगुणगीयरसियंगी ॥१२॥ अन्नम्मि दिणे तीए दासी सम्पेसिया विवणिमग्गे । किणणत्थं पणियाणं चिरेण पत्ता घरे तत्तो ॥१३॥ भद्दाए रुट्ठाए निट्ठरवयणेहिं तज्जिया दासी । आ पावे कत्थ ट्ठिया ? अवरावरकज्जभंगेणं ॥१४॥ भद्दाहुत्तं वुत्तं तीए सामिणि ! सुणेहिं विन्नत्तिं । जह इत्थ पुप्फसालो एगो गन्धव्विओ अत्थि ॥१५॥ रायपहे सो दिट्ठो गायन्तो तुम्बरो व्व सो गीयं । तेण सवणामएणं अक्खित्तो पुरजणो सव्वो ॥१६॥ गीएण तस्स सामिणि ! सरसेणं सवणगोयरगएणं । तण्हाछुहादुहाइ वि पसुयाण वि दूरओ जन्ति ॥१७|| अहल च्चिय ते कन्ना अमियरसासारसारगीएण। जेहि न पत्तं सुक्खं देवाण वि दुल्लहं देवि ! ॥१८॥ महुरदक्खापाणं तत्तो वि य होइ सक्करापाणं । तत्तो वि य अमियरसो तओ वि मन्नेमि तग्गीयं ॥१९॥
15
20
25
Jain Education International 2010_02
For Private & Personal Use Only
www.jainelibrary.org
