________________
३४४
जयन्तीप्रकरणवृत्तिः । गाथा २२ गच्छइ तत्थ तुरियं सहत्थसत्थेण ताण घायत्थं । ते हणिऊणं सत्थो जाओ खुद्दो महारम्भो ॥८४॥ मरणम्मि दाहपसमणमिउसीयसुगन्धदिव्ववत्थूहि । कीरन्ते उवयारे अभिभूओ तिक्खदुक्खेहिं ॥८५॥ तत्तसिलाए खित्तो चेयइ वत्थो व्व गिम्हकालम्मि । रुद्दज्झाणोवगओ विलवइ अइकरुणसद्देण ॥८६।। सुलसो वि य तप्पुत्तो तस्स सरूवं कहेइ संभन्तो। अभयकुमारस्स तओ स बुद्धिमं चिंतए एवं ॥८७|| एसो खु जीवघायणरसेण संजायपावकम्भभरो । उप्पन्नविवज्जासो सत्तमनरयोल्लसियलेसो ॥८८।। इइ भाविऊण अभयो भणइ इमं सुलस एस तुज्ज पिया । एयव्विवरिएण उवयारेणं सुहं लहहिइ ॥८९॥ अभयकुमारेणुत्तो ततो गंतूण पिउसमिवम्मि । पुत्तो सुलसो विविहे कारइ विवरियउवयारे ॥१०॥ कण्टयसेज्जासंट्ठियतणुस्स कालस्स विरससद्देहिं । असुइविलेवाहारे सुहन्ति भन्ती हवइ तस्स ॥९१॥ जाओ विडम्बणाए मरिउं सो परमकिन्हलेसिल्लो । अजहन्नुक्कोसट्ठिई अपइट्ठाणम्मि नेरइओ ॥१२॥ एवमहम्मायारा जयंति ! जं हुति निग्घिणा जीवा । ते सुत्त च्चिय सेया जागरमाणा पुण अणज्जा ॥९३।।
कालसौकरिककथानकं समाप्तम् ॥
सूत्रम्
एयव्विवरीया पुण सज्झायपरा जियंदिया धीरा ।
धम्ममि रज्जमाणा ते साहू जागरा पवरा ॥२२॥ व्याख्या-एतद्विपरीताः पुनर्ये साधवः स्वाध्यायपरा जितेन्द्रिया धीरा धर्मे रज्जमानास्ते जागरुकाः प्रवराः ॥
25
Jain Education International 2010_02
For Private & Personal Use Only
www.jainelibrary.org
