________________
३४२
10
जयन्तीप्रकरणवृत्तिः । गाथा १९।२०।२१ "भणिओ य नरिन्देणं काल तुमं महिसघायणं मुयह । जं जीवदयावासा सिरीनिवास समुद्द व्व ॥५८॥ पइदिणं सेरिहघायणरसेण रूढाण नरयपुढवीए । पावतरूण फलाई दुहाई होहिन्ति विरसाइं ॥५९।। पुव्वभवसंभवेणं केण वि पउरेण पावपंकेण । इहलोए तुह जायं पेच्छसु चंडालजाइत्तं ॥६०॥ विणिवाइय जीवाणं विसिटूवंसोब्भवाण वि जियाण । चावाणं न वि जायइ परलोयप्पसाहणे सत्ती ॥६१॥ पयडन्ते निवचन्दे जीवदयं कोमुयं व तप्पुरओ । पंकयवणं व कालो पावइ सव्वंगसंकोयं ॥६२।। निट्ठियदयम्मि काले कासारे पावपंकपरिणामो । धणियं सेणियरन्ना महिसाणं मोयणे जाओ ॥६३।। अह पञ्चभूयसंजोगमित्तगत्तम्मि चेयणा हवइ । मज्जंगमेलए जह मयसत्ती नन्नओ एइ ॥६४॥ देहाइरित्तजीवे अविज्जमाणम्मि नरवर ! कहऽम्ह । परलोए नरयदुहं कहिज्जमाणं भयं देउ? ॥६५॥ इइ किन्हलेस हरिए, काल तमभव्वं जंपसि । जीयाण सयं किं न बुज्झसि ? जममुत्तो चेयणो जीवो ॥६६॥ मूत्तजडभूयभूयस्सहावदेहा कहं हवइ एसो ? । कारणकज्जववस्था सुत्था न हु अन्नहा होइ ॥६७|| इच्चाइ जुत्तिसिद्धे जीवे सोयरिय ! देहवइरित्ते । निस्सन्देहं सिज्झइ परलोओ कम्मफलहेऊ ॥६८॥ तो भन्नसि परलोए जीवाणं मारणम्मि मरणाई । पाविहिसि अणन्ताइ दुरन्तअज्झप्पओगेण ॥६९॥ तो एवं ववसायं चइत्तु पसरन्तपावकम्मायं । कुणसु तुमं जीवदयं कलियमलपक्खालणगंगुदयं ॥७०॥
20
25
Jain Education International 2010_02
For Private & Personal Use Only
www.jainelibrary.org
