________________
३२६
10
जयन्तीप्रकरणवृत्तिः । गाथा ४।५।६ संवेगभावियप्पा गुरुमूले पुंडरीयरायरिसी। अचिरेणं संपत्तो इच्चाइमणोरहारूढो ॥९५॥ मउडाइअलंकरणो इयरो पुण कण्डरीयनरनाहो । अत्थाणम्मि न सोहइ नेहविहीणो जह पईवो ॥१६॥ न नमिज्जइ साणंदं भट्ठपइन्नो त्ति रायलोएण । कोवपिसायग्घत्थो परिभावइ रुद्दज्झाणत्थो ॥९७॥ एएसि निवाईणं मज्झ पणामे अणुज्जमन्ताणं । संहारेण करिस्सं अन्ननरिन्दाइजणसंगं ॥९८॥ एवं भीमो होउं एसो संकन्तकिन्हलेसो वि । विच्छाओ अरइच्छाओ मुञ्चइ अत्थाणमह भुत्तुं ॥९९।। अइमेत्तं आहारं गिन्हइ अइसरसमऽप्यजरठग्गी। तवचरणखीणदेहो गिद्धो च्चिय भवमसाणम्मि ॥१००। पढमिल्लकसाएणं उम्मीलियमोहणिज्जेण । पढमगुणट्ठाणेणं परूढपावदुम्मालोओ ॥१०१॥ अइदारुणदाहेणं डज्झन्ते आउतरुवरे सिग्धं । अइकूरपरिणामो बन्धइ नरयाउयं दीहं ॥१०२॥ मरिऊण कण्डरीओ अपयट्ठाणम्मि नरयवासम्मि । तित्तीससागराऊ उप्पन्नो नारयत्तेण ॥१०३॥ सुगुरुसमक्खं संजमलच्छि निव्वाहिऊण परितुट्ठो । सुकयत्थं मन्नन्तो अप्पाणं पुण्डरीयरिसी ॥१०४॥ जियकोहमाणमाओ गुरूण सिक्खागहम्मि अपमाओ । निज्जियलोहपिसाओ गीयत्थो सो लहुं जाओ ॥१०५।। अह सुकुमारसुहोचियदेसे छट्ठमाइतवच्चरणो । अणुचियलुक्खाहारो समूलरोगाउरो होइ ॥१०६॥ मेरुगिरिधीरचित्तो तत्तो सो पुण्डरीयरायरिसी । अप्पेण वि कालेणं आराहियसुद्धसामन्नो ॥१०७॥
15
20
25
Jain Education International 2010_02
For Private & Personal Use Only
www.jainelibrary.org
