________________
३२५
10
जयन्तीप्रकरणवृत्तिः । गाथा ४।५।६
इय चिंतिऊण गच्छइ उज्जाणे पुण्डरीयनरनाहो । पेच्छइ दुव्वासीणं तं तरुसाहोवहिं तत्थ ॥८२॥ छज्जीवकायकरुणावल्ली विसयाहिलासजलणेण । मन्ने समूलदड्डा परिणयचारित्तफलफलिया ॥८३।। उवएसाणमजोग्गो एसो भोगाहिलाससप्पेण । दट्ठो संजमजीवियमुक्को चुक्को जिणाणाओ ॥८४॥ पावपसत्ते चित्ते धम्मकहा सव्वहा न गुणहेऊ ।
चेले नीलीरंगे कुंकुमराओ हवइ किं वा ? ॥४५॥ अन्यच्च
अणुवट्ठियस्स धम्म मा हु कहिज्जाह सुदृ वि पियस्स ।
विच्छायं होइ मुहं विज्झाणऽग्गि धमन्तस्स ॥८६॥ अहवा
जो जत्तियस्स अत्थस्स भायणं तस्स तत्तियं होइ । वुढे वि दोणमेहे न डुंगरे पाणियं हाइ ॥८७॥ तवतिव्वरसावज्जियवयाइं कल्लाणकन्तिकलियाई । विसयाहिलासफुक्कामित्तेणाणेण हरियाई ॥८८|| अहवा सव्वे जीवा सकम्मफलभोइणो हुन्ति । सयमेवागयसंजमसिरिं वरिस्सामि अहमेयं ॥८९॥ इय चिन्तऊण राया पुच्छइ तं कण्डरीयजुवरायं । किं भोगसमीहा ते ? तुसिणीए चिट्ठए सो वि ॥९०॥ मउडाइअलंकारं सव्वं पि समप्पिऊण तस्स निवो । रयहरणाइयमुवहिं गिन्हइ सयमेव कयलोओ ॥९१।। गुरुकुलवासे नंदणवणम्मि सुमणोवियासरमणीए । होउ रुई मह निच्चं नाणाइफलोवलंभम्मि ॥९२॥ भवगिम्हतावहरणे दक्कापाणोवमा दुविहसिक्खा । सुगुरूण पायमूले आसाइव्वा मए सव्वा ॥९३।। छज्जीवकायरक्खणसारे संजमभरम्मि धुरधवलो । गुणरासिसम्पउत्तो गणम्मि होक्खामि मुणिवसहो ॥९४॥
Jain Education International 2010_02
For Private & Personal Use Only
www.jainelibrary.org
