________________
३२२
10
जयन्तीप्रकरणवृत्तिः ।गाथा ४।५।६ तुम्हाण पायअरुणप्पहाहिं दोसावहारसूराण । गुणचक्काण सहेलं जं मेलो होइ किं ? चुज्जं ॥४२॥ सुहसायराण सुहगुरू तुम्ह समीवम्मि हाणपत्ताण । सुमणोवियससहला वुड्डी रुक्खाण व जियाणं' ॥४३।। इच्चाई पुंडरीओ राया सुगुरूण संथवं काउं । आपुच्छिऊण वन्दइ महामुणि कण्डरीयं पि ॥४४॥ जिणिऊण मोहरायं धीरत्तए विक्कमेक्करसिएणं । पव्वज्जारज्जेणं सुहसव्वंसं जए पत्तं ॥४५।। गुरुगिरिपायनिवासे तुमए मुणिसीह कामकरिदलणे । मुत्तासिरि व्व दिसिदिसि पयासिओ कित्तिवित्थारो ॥४६।। ता सव्वहा तुमं चिय नियकुलगणगयणम्मि चन्दोऽसि । सोहसि तारयमुणिमज्झगओ संपुन्नवित्तधरो" ॥४७|| एवं पसंसिऊणं राया सिरिकण्डरीयरायरिसिं । भणइ सरीरं तम्हं, किसं सरोगं च पेच्छामि ॥४८॥ ता एहि मज्झ गेहे, विज्जु व्व इटेहिं एसणिज्जेहिं । पत्थोसएहिं किज्जइ, जेण चिकिच्छा लहु तुम्हं ॥४९|| लुक्खो देहो तुम्हं घणरसपत्थोसहेहिं जं होही । सव्वंगपल्लविओ उवचियखन्धो सुहच्छाओ ॥५०॥ आएसेण गुरूणं नयरीमज्झम्मि सायरं नीओ। रन्ना जुवरायारिसी विज्जाणं दंसिओ तयणु ॥५१॥ तो नायनियाणेहिं विविहविहाणेहिं सबहुमाणेहिं । धन्नंतरिसरिसेहिं सिग्धं चिय दिन्नमारोग्गं ॥५२॥ गिद्धो सो रायरिसी महुराहारेसु दिव्वसेज्जासु । विहरन्तेसुं गुरूसुं मन्दमणो लक्खिओ रन्ना ॥५३॥ "भणिओ य तं महायस धन्नो सुगुरूण पायकमलम्मि । फुल्लन्धय व्व लीणो सुयमयरन्दं सया पियसि ॥५४॥
15
20
25
Jain Education International 2010_02
For Private & Personal Use Only
www.jainelibrary.org
