________________
२८५
जयन्तीप्रकरणवृत्तिः । गाथा ४।५।६
वयगहणाओ अडयालीसवरिसेहिं संजमे न रई । संजाया तेणेमं पावट्ठाणं अरइनामं ॥२१॥ पुच्छन्तो मायाए उवेहिओ अप्पिऊण नामंकं । मुद्दारयणं कंबलरयणं भणिओ य तो एसो ॥२२॥ साकेए अत्थि निवो पुण्डरिओ तुह महल्लओ जणओ । पच्चयहेउं दंससु मुद्दारयणं इमं वच्छ ! ॥२३।। कालक्कमेण पत्तो तम्मि य समयम्मि पेक्खणारम्भो । सो सयलं पि रयणि पेच्छइ तं पेक्खणं रसिओ ॥२४॥ अइरंगे वट्टन्ते पभायसमयम्मि नट्टिया सन्ता । निद्दाघुमियनेत्ता महयरियाए तओ वोत्ता ॥२५॥ सुटु वाइयं सुट्ठ गाइयं सुट्ठ नच्चियं सामसुन्दरि ! । अणुपालिय दीहराईए मा सुमिणन्ते पमायह ॥२६।। महुरक्खरवाणीए जणणीए गीइयाए गायाए । कम्बलरयणं वियरइ संविग्गो खुड्डकुमारो ॥२७।। रायसुएणं दिन्नं कुण्डलरयणं फुरन्तकन्तिल्लं । जच्छइ हारं तारं सिरिकन्ता सत्थवाही वि ॥२८॥ जयसंधिअमच्चेणं दिन्नो मणिरयणमण्डिओ कडओ । मिण्ठेण य रयणसिणि सव्वाणि य लक्खमुल्लाणि ।।२९।। जाए पभायसमए पुच्छन्ते नरवरम्मि पुण्डरिए । नियवत्तन्तं साहइ सपच्चयं खुल्लगकुमारो ॥३०॥ इत्थाऽहं रज्जत्थी समागओ तात ! माइवयणेणं । सम्पयसंबुद्धोऽहं मुणिउणं गीइयं राय ! ॥३१॥ रायकुमारेणोत्तं रज्जं गिन्हामि मारिउं जणयं । एयाए गीयाए निवारिओऽहं अकज्जाओ ॥३२॥ विन्नवइ सत्थवाही बारसवरिसाई सत्थवाहस्स । अत्थोवज्जणहेडं गयस्स देसन्तरे दूरे ॥३३॥
15
20
25
Jain Education International 2010_02
For Private & Personal Use Only
www.jainelibrary.org
