________________
२७३
जयन्तीप्रकरणवृत्तिः । गाथा ४।५।६
वीमंसागयचित्तो अणुगच्छन्तो पुरोहिओ मग्गं । मुणिरायपायसंगमपसायसीयं पलोएइ ॥८॥ "तो अप्पाणं निन्दइ एवं गुणरयणरोहणगिरिस्स । एयस्स मए वसणं अन्नाणन्धेण अहिलसियं ॥९॥ एसो हु रिसी तित्थं अइसयखीरोयरोहिणीरमणो । एयम्मि वि कलुसं चिय मज्झ मणो राहुमुत्ति व्व ॥१०॥ कूरत्तेणं छित्तं लित्तं चिय पापपंकपडलेण । सुज्झिस्सइ जइ जंगमतित्थे एयम्मि सुपसन्ने ॥११॥ अन्नाणं चिय कटुं अन्तरकोहाइसत्तुसंघाओ । जेणावरिया लोया हियमहियं वा न याणन्ति ॥१२॥ एसो मुणी महप्पा हीही चिन्तामणी अवन्नाओ । पावमइणा मए जो भवदोगच्चं हरइ सहसा ॥१३।। एयम्मि पहे तावो पढमं जो चिन्तिओ मुणिवरस्स । सो मह पच्छायावो हीही पावस्स संजाओ ॥१४|| जा सुगइपवन्नस्स वि अहिलसिया दुग्गई मुणिवरस्स । सा मह होही बहुहा दुहहेऊ नत्थि सन्देहो ॥१५॥ जं चिन्तिज्जइ दुक्खं परस्स तं अप्पणो हवइ चेव । एयं जयप्पसिद्धं सच्चं चिय एत्थ संजायं ॥१६॥ एसो महप्पभावो तवभेएणं रवि व्व दिप्पन्तो । कलुसजडासयसोसे वियरिओ संवरभरमज्झं" ॥१७॥ एवं लद्धविवेओ पुरोहिओ वन्दिऊण रायरिसिं । . विणयपणउत्तमंगो खामेइ तिविहेण भावेण ॥१८॥ तो तेण मुणिन्देणं धम्मोवएसेण कुलिसगरिमेण । भित्तूणं मोहगिरि संठविओ सिवपहे सम्मं ॥१९॥ पडिवन्नचरणकरणो पुरोहिओ मुणिवरो महासत्तो । गीयत्थो संविग्गो उव्विग्गो भवनिवासाओ ॥२०॥
Jain Education International 2010_02
For Private & Personal Use Only
www.jainelibrary.org
