________________
२७१
10
जयन्तीप्रकरणवृत्तिः । गाथा ४।५।६
पंचमहव्वयधारा अहोनिसं धम्मदाणवावारा । जिणसासणलंकारा भव्वाण वियन्ननित्थारा ॥१०१॥ अणवरयमप्पमत्ता छज्जीवनिकायरक्खणोज्जुत्ता । पडिवज्जह सुहगुरुणो दुल्लहा जह कप्पवरतरुणो ॥१०२॥ सद्दहह जिणवरोत्तं तत्तं जीवाइयं अइपवित्तं । भवजलहिजाणवत्तं जीवाभयदाणवरसत्तं ॥१०३॥ कम्मगिरिदलणवज्जं सव्वं जोगं चउत्तु सावज्जं । गिण्हह भो पव्वज्जं लहह लहुँ सिवपुरीरज्जं ॥१०४।। अह परिहरिय प्पमाए पइ समयं सव्वसंगपरिच्चाए । पंचमहव्वयभारो सयंभुरमणो व्व दुत्तारो ॥१०५।। पडिवज्जियसम्मत्ता सावयधम्मम्मि निच्चमणुरत्ता । भो निच्चं जिणवयणप्पभावणं कुणह उज्जुत्ता" ॥१०६॥ ववगयचउविहमिच्छादंसणनिद्दो विवेयदिट्ठीए । पेच्छन्तो परिगिण्हइ राया सम्मत्तवररयणं ॥१०७।। धम्मरुइमुणिवरेणं धम्मुवएसेण कुलिससरिसेण । मोहगिरिचूरणे सिवपुरमग्गे पयडिए केइ ॥१०८॥ पडिवज्जन्ति चरित्तं कम्मसेसं करेइ जं रित्तं । वियरइ सुहमइरित्तं सिद्धिवहूसंगमनिमित्तं ॥१०९।। अंगीकयसम्मत्ता अन्ने तम्मूले देसविरइल्ला । अवरे भद्दगभावा जिणधम्मे हुन्ति भव्वजिया ॥११०।। राया सम्मदिट्ठी जिणसासणगयणमण्डलुज्जोओ। दिप्पइ कलाहिं कलिओ सासयसिवसंगमेक्कमणो ॥१११॥ दोसो पावट्ठाणं पावतरुणं परोहहेउ त्ति । भावन्तो धम्मरुई विहरइ देसेसु मुणिवसहो ॥११२।।
॥ द्वेषकथानकं समाप्तम् ॥
15
20
25
Jain Education International 2010_02
For Private & Personal Use Only
www.jainelibrary.org
