________________
२६०
10
जयन्तीप्रकरणवृत्तिः । गाथा ४।५।६ हे सिद्धिपुरीपन्थे पत्थियजियसत्थवाह नाह तुमं । मह देइ सव्वविरइं पाहेयं मणिट्ठियं सिग्धं ॥५५॥ एवं विन्नविएणं करुणारससायरेण तो गुरुणा । संविग्गो अरिहमित्तो परिक्खिओ दिक्खिओ झत्ति ॥५६।। तवतेयअंसुमाली पसमथेज्जाइगुणरयणमाली । एसो गुरुकुलवासी अपुव्वनाणज्जणब्भासी ॥५७॥ गीयत्थत्तं पत्तो अपमत्तो संजमम्मि आसत्तो । देसन्तरेसु विहरइ गुरूहिं सद्धि महासत्तो ॥५८॥ चिट्ठन्तीए तस्स य आसाबन्धेण भाउजायाए । सयजामा चि य रयणी संजाया तो तिजामा वि ॥५९॥ तमपिच्छन्ती गोसे रागन्धा सव्वओ निहालन्ती । अट्टज्झाणोवगया भाउज्जाया मया झत्ती ॥६०॥ तत्तो सा कम्मवसा गामे एगम्मि कुक्कुरी जाया । छिच्छिक्कारेण हया छुहिया दुहिया परिभमेइ ॥६१॥ कमसो य तत्थ पत्तो विहरन्तो सो मुणी अरिहमित्तो । अणुरत्ताए तीए दिट्ठो भिक्खापविट्ठो य ॥६२॥ चाडुसयाइं कुणन्ती रागन्धा पिट्ठओ विलग्गा सा । वसहीए वि निसन्ना सविहे विविहे वियारे य ॥६३॥ दंसन्ती उवहासं अहोनिसं जणइ जेण लोयम्मि । तेणेमं रयणीए सुत्तं मुत्तं गओऽन्नत्थ ॥६४|| तत्तो पभायसमए तस्स विओगेण दहणदाहेण । मरिऊण गिरिनिकुंजे जाया वणमक्कडी तत्तो ॥६५॥ कीलन्ती तत्थ वणे विचित्तकीलाहि जुहमज्झगया । तारुन्नसिरि पत्ता निसग्गचवला गमइ कालं ॥६६।। अह सोऽरिहमित्तमुणी सद्धिं सत्थेण तेण मग्गेण । भवियव्वयावसेणं जन्तो तीए पहे दिट्ठो ॥६७॥
20
25
Jain Education International 2010_02
For Private & Personal Use Only
www.jainelibrary.org
