________________
२५८
10
.
जयन्तीप्रकरणवृत्तिः । गाथा ४।५।६ कयवयदिणपज्जन्ते सिरिकंता अरिहमित्तमेगन्ते । पुणरवि पुच्छइ निहुयं रइत्थिणी कामगहदुत्था ।।२९।। महखित्ते नियबन्धवलज्जासंदाणदामिओ पुव्वं । दक्खिन्नधुराधवलो पुलयंकुरिए न चिन्नोऽसि ॥३०॥ ता सच्छ सोम वच्छल सच्छन्दं चरसु तत्थ ललियंगो । वच्छे मह सच्छाए वीसमिओ जुव्वणुज्जाणे ॥३१॥ तव्वयणस्सवणाओ परिभावइ एस अरिहमित्तो वि । महभाया एयाए पंचत्तं पाविओ नूणं ॥३२॥ अहह कुलफंसणाए किलिट्ठपाविट्ठनिग्घिणमणाए । कहमायरियमकज्जं? एयाए णज्जचरियाए ॥३३॥ मरणदुहजलहिनिवडणहेऊ गुरुबन्धवस्स संजाया । अइरूवसंपया मह सच्चञ्चिय आवया हद्धी ॥३४|| हीही नियंबिणीओ विडंबिणीओ हवन्ति पुरिसाण । दुट्ठमणोरहचक्कपगिट्ठसुप्पइट्ठनाभीओ ॥३५॥ कालरयणीसहिओ दुच्चरियदन्दोलिकन्दलमहीओ। मणमोहणोसहीओ महिला दुग्गइपहरहीओ ॥३६।। खणरत्तविरत्ताओ तमभरपसरेक्ककरणसत्ताओ। दूरुज्झियबोहीओ पओससंज्ञासणाहीओ ॥३७॥ अबला अलीयकुडीओ दुरन्तभवरंगनच्चणनडीओ। चवलत्तमक्कडीओ सुसाणमज्झट्ठियघडीओ ॥३८॥ तं किंपि कामिणीओ कुणन्ति किल साहसं जओ लोए । ससुरासुरे वि गरुओ जायइ चित्ते चमुक्कारो ॥३९।। सव्वाण वि वंसाणं पमया अविवेयसंगमरुइओ । वंसकुडिगिसहिओ गुविलादुग्गिज्झमज्झाओ ॥४०॥ कढिणत्तणेण करिवरदंतसरिच्छाइं जज्जरिज्जन्ति । पुरिसाण तरुणीओ ससिकरधवलकडक्खेहिं हिययाइं ॥४१॥
15
20
25
Jain Education International 2010_02
For Private & Personal Use Only
www.jainelibrary.org
