________________
२४८
10
जयन्तीप्रकरणवृत्तिः । गाथा ४।५।६ ताण विवागो एसो पढमे पियसंगमे वि केलीए । वंतरसुरेण पुरिसं दंसेऊणं हया पीई ॥२२९।। तह गेहम्मि ममोवरि पीइं दट्टण तुज्झ घरिणीए । एसा विहडइ किं वा न व त्ति केलीए देवेण ॥२३०॥ हारो चित्तगएणं गिलिओ मोरेण दंसिओ मज्झ । असद्धेयं ति इमं न मए कहियं पुणो सहियं ॥२३१।। संपइ खीणे कम्मे पच्छायावो सुरस्स संजाओ। तुह पिच्छन्तस्स तओ निग्गिलिओ चित्तमोरेण ॥२३२।। सुहमऽब्भक्खाणेण वि अज्जियकम्मोदएण जो जाओ। एसो कलंकपंको निधोइओ संवरेणिमिणा ॥२३३॥ धम्मत्थं सुहमं पि य मायासल्लं अणुट्ठियं एवं । होइ दुहेक्कनिमित्तं तम्हा परिवज्जह कयं पि" ॥२३४॥ एवं निसुणन्ताणं ताणं जाइसुमरणं जायं ।। मुच्छानिमीलियच्छिणी ताणि धरणिए पडियाणि ॥२३५।। नरवइणा वि य आसासियाणि चंदणरसाइणा ताणि । अक्खन्ति य नरवइणो पुव्वभवं भगवइकहियं ॥२३६॥ खामित्ता य भगवई वेरग्गेणुग्गभावियमईणि । लिन्ति वयं गुरुमूले राया वि य सावगो जाओ ॥२३७।। अन्नो वि बहुयलोओ पडिबुद्धो संविहाणयं दटुं। सोऊण य जिणधम्मं दुरन्तसंसारभयभीओ ॥२३८।। सव्वंगसुन्दरीए सुइरं पडिबोहिऊण भव्वजणं । खविऊण कम्मरासिं लद्धा सिद्धी सुहसमिद्धा ॥२३९।। इयराणि वि चरित्तं सुद्धि परिपालिऊण चिरकालं । उवलद्धकेवलाणि य सिद्धि पत्ताणि सव्वाणि ॥२४०॥ एवं दुहपरिणामा माया थोवा वि पावट्ठाणं ति । तं वज्जह जत्तेणं जइ इच्छह सासयं सुक्खं ॥२४१।।
मायाकहाणकं सम्मत्तं ॥
15
20
25
Jain Education International 2010_02
For Private & Personal Use Only
www.jainelibrary.org
