________________
२३४
10
जयन्तीप्रकरणवृत्तिः । गाथा ४।५।६ तो गिहवावारे वि य जयणा जमणु व्व जिणमया चेव ।
जीए अणुकूलवहं मलहरणं संवरं लहसि ॥४७॥ भणियं च
'जयणा धम्मजणणी जयणा धम्मस्स पालणी निच्चं । तब्बुड्डिकरी जयणा एगंतसुहावहा जयणा" ॥४८॥ [संबो.प्र./गा.५३६ ] वाणी वि य भणियव्वा जीए महुराए सच्चयासहिओ । कोडिगुणारोहेणं जिणधम्मो होइ सुपसिद्धो ॥४९॥ धम्मियसिलवईणं संसग्गो सव्वया वि कायव्वो ।
होइ खमाए भेओ कुसीलयाणं जओ जोए ॥५०॥ किं बहुणा ?
धम्माणमेस धम्मो रक्खिज्जइ साडिया पयत्तेणं । अह धणवइणा पइणा सविहे निसुयं इमं वयणं ॥५१॥ तो पउमसिरीउवरिं कुविओ भत्ता न देइ पयसोयं । काउं जम्पइ अवसर दिट्ठिपहाओ गिहाओ वि ॥५२।। ता एसा पउमसिरी नि?रया से वयम्मि अच्छेरं । निदोसा संकुइया मउलियमणनयणवरकमला ॥५३॥ पइसिज्जासन्न च्चिय रुयमाणी टाई भूमिवट्टम्मि । जाव पभायं जायं निद्दोसाऽहं ति अडुदहिया ॥५४॥ उन्नयगुत्तप्पभवा खारुग्गारेण नम्मया कहवि । रयणायरे न मिल्लहइ जह तह नाहं पिययमं पि ॥५५॥ इय चिन्तन्ती एसा सूणेहि लोयणेहिं उत्तिन्ना । वासहराओ दिट्ठा धणसिरीए तओ भणिया ॥५६॥ भद्दे ! अइदुहभरिया लक्खिज्जसि केण कारणेण तुमं ? । सा भणइ तुज्झ भाया जाणइ अवमाणिया जेण ॥५७।। साणन्दा य नणन्दा भणइ जहा कुणसु गेहकिच्चाइ । बन्धवहुत्तं सम्मं सोवालम्भं भणिस्सामि ॥५८॥ तत्तो धणसिरीए भणिओ भाया कहं ? तए एसा । रुसविया मह भाउज्जाया दोसेण रहिया वि ॥५९।।
20
25
Jain Education International 2010_02
For Private & Personal Use Only
www.jainelibrary.org
