________________
२२५
जयन्तीप्रकरणवृत्तिः । गाथा ४।५।६
चिन्तइ बाहू वि इमं अहमिह कयसव्वपरियरच्चाओ। ताओ वि वीयराओ होउ तओ को अभिप्पाओ? ॥१४६।। "हं नायमहं केवललच्छि लहिऊण बंधवे लहए। सव्वोत्तमनाणधरे पेच्छिस्सं न उण छउमत्थो ॥१४७।। एवं माणगयन्दो विणयडुमभञ्जणेक्कसाणन्दो । आरूढो मूढेणं आयासकिलेसफलहेऊ ॥१४८॥ संजमसुरगिरिसिहरारूढा कल्लाणभायणा गरुया । ते तिजयवन्दणिज्जा अट्ठाणुइ बन्धवा मज्झ ॥१४९।। तेहिं पुरिसुत्तमेहि महिओ सियज्झाणमन्दरेणेसो । चउघाइकम्मजलही केवलसिरिसंगया तत्तो ॥१५०॥ धिद्धी मह अन्नाणं माणं धरिऊण विणयपरिहाणं । जाओ दुक्खनिहाणं निरत्थयं वच्छरं जाव ॥१५१॥ दीसइ गरुओ वि लहू माणगिरिन्दम्मि जो समारूढो । तह सो न सम्मदिट्ठी गुरुं पि मन्नइ लहुं जेण ॥१५२॥ माणेण विवज्जासो वणियाणं निग्गहं जहा देइ । धम्मपराणं पि तहा नासइ समत्तरयणं सो ॥१५३॥ कल्लाणमुत्ती कुलपव्वओ वि जो सव्वगोत्ताहियमाणधारी । मेरु व्व होज्जा गयदन्तसोहो महावयासन्निहिओ स जीवो ॥१५४॥ तोऽहं जडमप्पाणं मयरपयडलेण कलुसियं झत्ति । मद्दवकयगफलेणं करेमि अह निम्मलसहावं ॥१५५।। तो ताण बन्धवाणं मुणीणं गुणसायराणं पयपउमे । इन्दिन्दिरसुंदेरं लहेमि अहुणा लहुं चेव" ॥१५६॥ इय चिन्तिऊण सहसा चलणे उप्पाडियम्मि बाहुबली । लहइ मुणिन्दो केवलनाणं सम्पुन्नसियज्झाणं ॥१५७॥ एवं मयलेसो वि हु अणत्थपत्थारकारणं होइ । मुणिकुंजरेहिं कज्जं माणतरूम्मुलणं तम्हा ॥१५८||
15
25
Jain Education International 2010_02
For Private & Personal Use Only
www.jainelibrary.org
