________________
२२४
जयन्तीप्रकरणवृत्तिः । गाथा ४।५।६ न हि किंचि वि भणियव्वो जेयव्वो णेण धम्मज्झाणेण । ठाणेण अन्तरंगो रिउवग्गो कोहलोहाइ ॥१३३।। तत्तो भरहनरिन्दो सुइरं थोऊण तस्स गुणनिवहं । निन्दन्तो अप्पाणं अपरिच्छियअप्पपरिमाणं' ॥१३४॥ पत्तो विणीयनयरिं मणिमयपासायकणयपायारं । उवभुज्जइ रायसिरि कीरन्तसुरिन्दअणुगारं ॥१३५॥ "बाहुबली मुणिराओ नासावंसग्गदिट्ठीसम्पाओ । छज्जीवसाणुकंपो मेरुगिरिन्दो व्व निक्कम्पो ॥१३६।। सम्मं निरुद्धदंडो निच्चललम्बन्ततरलभुयदण्डो । काउस्सग्गपवन्नो चिट्ठइ रन्नम्मि अविसन्नो ॥१३७।। अहियासइ जा वरिसं परीसहे दुस्सहेति आलीढो । अन्तो सुहलेसाहिं बाहिं पल्लवियवल्लीहिं ॥१३८।। सउणिकयकुच्चनीडो अगणियसीउन्हवायजलपीडो । पायतलुठ्ठियदब्भंकुरसूइवेहवम्मीओ ॥१३९।। संजमलच्छीहारो चिट्ठइ संवच्छरं निराहारो । बाहुबली अणगारो अणिगूहियवीरियायारो ॥१४०॥ पसरियधम्मज्झाणो पइक्खणमहिलसियकेवलन्नाणो । पम्हुट्ठविहियमाणो अणुहूयकिलेससन्ताणो" ॥१४१॥ जाव अच्छइ बाहुबली ताएणं ताव तस्स भईणीओ। बम्भी-सुन्दरिनामयबईणीओ पेसिया तत्थ ॥१४२॥ सुइरं निरक्खिऊणं दट्टणं मुणिवरं वणनिउंजे । जम्पन्ति साहुणीओ बंधव ! ताओ भणइ एवं ॥१४३।। "झाणं पि कुणन्ताणं दुक्करतवचरणकरणवन्ताणं । न हवइ केवलनाणं हत्थिगयाणं तवस्सीणं" ॥१४४॥ वोत्तूण वयणमिमं बईणीओ झत्ति तप्पएसाओ । दूरं ओसरियाओ वरसंवरपूरसरियाओ ॥१४५।।
25
Jain Education International 2010_02
For Private & Personal Use Only
www.jainelibrary.org
