________________
२१८
जयन्तीप्रकरणवृत्तिः । गाथा ४।५।६ निबिडगुडगुडियगयनिसाइकरगहियसिंगधणुहीओ। कुवियकीणासकुडलियफुरन्तभमुहापियसहिओ ॥५६।। पक्खरियतुरयकवइयसायकरोल्लसियसेल्लभरभल्ला । जममुहुरकुहरविणिग्गयजीहासोया वियारन्ति ॥५७॥ गुणवन्तफारफारक्कपाणिझलकन्तखग्गलट्ठीओ । अइकुद्धकालरयणीकडक्खलच्छि विडम्बन्ति ॥५८॥ जुत्तमणवेगतुरया आरोवियचावलट्ठिधाणुक्का । सत्थभरनिब्भरा रहवरा वि गुरुचक्कचिक्कारा ।।५९।। एवं समरोच्छाहिए सन्नद्धे कुद्धअप्पपरसिन्ने । बाहुबली परिचिन्तइ अहो महन्तो रणारम्भो ॥६०॥ होहीअ हेयउच्चियहयगयपाइक्कचक्कसंहारो । अज्जियदुक्कयभारो उग्घाडियनरयपुरदारो ॥६१।। दुन्हिन्ह बन्धवाणं मिहो विराहे किमन्नजीवाणं । निक्कारणजुज्झेणं सत्थपओगेण अहमेण ? ॥६२॥ तन्तं तं कायव्वं सो मंतो होइ इत्थ ज्झायव्वो । भरहस्स जेण दप्पो सप्पो सन्तो लहु होइ ॥६३॥ तो भावियपरमत्थो बाहू भरहस्स पट्ठवइ दूयं । सो विय पणओ एवं जम्पइ महुराए वाणीए ॥६४|| बाहुबली महिनाहो जाणावइ सामि ! अप्पणो भावं । लोयाणं मरणेणं नामोक्कसियं किमम्हाणं ? ॥६५।। उत्तमजुज्झेणं चिय बलाबलत्तेण नायमित्तेण । देवाईण समक्खं पराजओ वा जओ होइ ॥६६॥ रहसेणं भरहेण वि पडिवन्नमिणंति दोसु कडएसु । उक्किट्ठसिंहनाओ जाओ नाओ त्ति उच्छलिओ ॥६७।। चन्दणकयंगरागा कुन्दुज्जलवासरइयसिंगारा । आमुत्तथूलमुत्ताहारा सियच्छत्तसंचारा ॥६८॥
15
20
25
Jain Education International 2010_02
For Private & Personal Use Only
www.jainelibrary.org
