________________
5
10
15
20
25
२१२
Jain Education International 2010_02
जयन्तीप्रकरणवृत्तिः । गाथा ४/५/६
अस्सि धम्मज्झाणे अवसाणे तस्स होइ उववाओ । सव्वम्मि विमाणे अजहन्नुकोसट्ठिइट्टाणे ॥९८॥ किन्तु तया सो साहू अज्ज वि अच्छिन्न आउपरिणामो । पइक्खणपसायपसमिरदयासओ सच्छिओ दए व्व ॥९९॥ उल्लसियजीवविरिओ अप्पुव्वकरणेण वम्मियसरीरो । आरूढखवगसेणी मोहनिवं खवइ तो सव्वं ॥ १०० ॥ परमत्थसुक्कज्झाणो निहणइ सो घायकम्मरिउवग्गं । सम्पइ केवललच्छि सम्पन्नो सो महासत्तो ॥ १०१ ॥ केवलनाणुज्जोओ लोयालोयपभासओ सम्मं । दुलो त पूणिज्जो मुणिणो महिमं कुणन्ति सुरा ॥ १०२ ॥ इय सोच्चा जिणवयणं हरिसभरुल्लसियरोमरुइरङ्गो । सेणियराया गच्छइ महरिसिपयवन्दणुम्माहो ॥ १०३॥ धरणियललुलियभालो कयज्जली वन्दिऊण मुणिराया । सब्भूयगुणत्थवणं भत्तीए काउमाढत्तो ||१०४|| "कुन्दमहिन्दसमुज्जलगुणमण्डल ! मोहखण्डणपयण्ड ! । जयसि तुमं मुणिपुंगव संजमभरधरणधुरधवल ! ॥ १०५ ॥ मोहमहातमनासो तुमं सि मुणिराय ! दसदिसिपयासो । सच्चं पसन्नचन्दो केवलकुमुयाकरुल्लासो ॥१०६॥ तं जयसि पुरिससीहो कम्ममहाकुम्भिकुम्भनिद्दलणो । भयजूहदप्पमलणो सावयसंघायनयचलणो ॥१०७॥ उज्जासियमयमोहो नासियऽबोहो जयम्मि दुज्जोहो । को होइ तुह सरिच्छो ? कोहो जोहो जिओ जेण || १०८ || तु चित्तचन्दे कन्ते पसन्नचन्दस्स उवसमरुईए । मुणिसह बहुविवेउदएण कोवो दवो सन्तो ॥ १०९॥ रायरिसि ! तर संजमरज्जं निरवज्जमेव अणुहूयं । समिइकरणोज्जमेणं जम्मन्तरंगा हया रिउणो ॥ ११०॥
For Private & Personal Use Only
www.jainelibrary.org
