________________
२०३
10
जयन्तीप्रकरणवृत्तिः । गाथा ४।५।६
गाढमन्नोन्नघट्टणविहडियकट्ठोवलेवयं कणयं । आरक्खियपुरिसेहिं दिलृ दिप्पन्तमह सहसा ॥२४॥ ते तेहिं रायसविहे नीया पुट्ठा य रायणा उड्डा । कणयकुसा केवइया ? कत्थ व लद्धा ? कहिं दिन्ना ? ॥२५॥ सिट्ठी समुद्ददत्तो देव ! पुरे इत्थ तस्स वयणेण । परिसरसरम्मि खणिमो मुल्लेणं तत्थ एगम्मि ॥२६।। खायम्मि कुसा लद्धा गहिया जिणदत्तसिट्ठिणा दोन्नि । निच्चं च लोहनन्दी गिन्हन्तो ते कुसे देव ! ॥२७॥ अज्ज पुण तस्स पुत्ता अम्हं मोल्लं न दिन्ति इच्छाए । अन्ने वि तहा वणिणो निम्विन्नेहिं तओ चत्ता ॥२८॥ इय विन्नत्तो तेहिं जिणदत्तो राइणा समाहूओ । पुट्ठो दो चेव कुसा तुमए किणिया न सेसा वि ॥२९॥ कम्हा ? भो ! जिणदत्तो जहटियं विन्नवेइ रायाणं । देव मए लोहमए नच्चा दो चेव संगहिया ॥३०॥ पच्चा कणयमया ते नाया दिन्ना य चेइयहरम्मि । इच्छापरिमाणवयं जं अहियं होइ महं तेहिं ॥३१॥ जाणन्तो वयभंगं करेमि कह ? नाह लोहमोहन्धो । सेसा वि कुसा सामिय ! न मए गहिया अओ चेव ॥३२॥ सुणिऊण एवं राया विम्हयरसपसरपल्लवियचित्तो । चिन्तेइ अहो विवेओ सावयधम्मस्स एयस्स ॥३३।। जेसिं पगइसरूवं रयतममुक्कं व होइ सत्तहियं । तेसिं गुरूवएसा कहं विवेओ हवइ दुल्लहो ? ॥३४॥ एसो अकुच्छणिज्जो गरुओ कल्लाणसंपयासहिओ । सामच्छिऊण एवं सिरिघरसामी कओ रन्ना ॥३५॥ अह लोहनन्दिसिट्ठी तुरियं गामन्तरा घरं एइ । पुच्छइ पुत्ते वच्छा गहिया तुज्झेहिं किं कुसया ? ॥३६।।
25
Jain Education International 2010_02
For Private & Personal Use Only
www.jainelibrary.org
