________________
5
10
15
20
25
२०२
Jain Education International 2010_02
जयन्ती प्रकरणवृत्तिः । गाथा ४/५/६
कणयमयत्तं नाउं परिग्गहो होइ मज्झ अहिओ त्ति । जिणमन्दिरम्मि वियरइ सन्तोसपरायणो एसो ॥ ११ ॥ तो नियमभंगभीओ बीए दिणे एस गिन्हइ न एए । भूरिगुणो हु सयं चिय सुन्नसमीहो कहं होउं ? ||१२|| तो लोहनदीपासे हत्था बंभण व्व ते जन्ति । जाणन्तो वि स यच्छइ आयसमुल्लं तइच्छाए ॥१३॥ भणइ य सो तयहुत्तं दिणे दिणे मज्झ आवणे एए । आणिज्जह दाहिस्सं वेयणयं तुम्ह जं इटुं ॥१४॥ मुल्लं सुयाण सल्लं हियए अहियं स देइ पइदियहं । अस्थिक्कवल्लहो सो गिद्धो न कहेइ परमत्थं ॥ १५ ॥ लोहं चिय सो पयडइ वड्ढइ लोहो वि भूरिविहवेण । संहरिसेणिव जं बालो सिट्ठो लोहनंदि ति ॥ १६॥
अहवित्थ विहवतन्हाखाणी दूप्पूरणी च्चियं पसिद्धा । कुसहत्था जत्थ पुणो खणंति उड्डा किमिह चित्तं ? ||१७|| विविहप्पयाररक्खाजोगम्मि धणम्मि पेयवणसरिसे । गिद्धा सपक्खवाया अहोनिसि ठन्ति अच्छरियं ॥१८॥ धणमुच्छाछुरियाए लोहमईए वयाइं छिन्दन्ति । निग्घिणकम्मा जीवा पावट्ठाणं तओ एसा ॥ १९॥ अन्नम्म दिने गामंतरम्मि सयणेहि लोहनन्दी वि । पव्वम्मि आयरेणं भोयणकज्जेण आहूओ ||२०|| गच्छन्तेणं पुत्ता कुत्ता कुसया अवस्स घेतव्वा । हत्थाओ उड्डाणं तदभिप्पेएण मुल्लेणं ॥२१॥ अह दिन्ताणं ताणं गहिया न सुएहि अहियमुल्ल त्ति । अन्नवणियावणेसु वि तहा न अग्घन्ति ते कुसया ॥२२॥ अप्पत्ति हीच्छियमुल्ला विसायमावन्नएहि उड्डेहिं । मुक्का कसा कराओ झडित्ति धरणियले पडिया ||२३||
For Private & Personal Use Only
www.jainelibrary.org
