________________
१७९
जयन्तीप्रकरणवृत्तिः । गाथा २॥३
नाऊण भरहराया चकं इहलोयं ति काऊणं । पूएइ जिणं पढमं गन्तूणं गुरुसमिद्धीए ॥३२॥ तो पढमदेसणाए पढमजिणिन्दस्स पढमओसरणे । संघस्स चउविहस्स वि गणहरपमुहस्स उप्पत्ती ॥३३।। धम्मवरचक्कवट्टी बहिरन्तरवयरवारणसयन्हो । देसन्तरेसु भयवं विहरइ सुरकोडियपरियरिओ ॥३४॥ भरहो वि चक्करयणं रिद्धीए पूईऊण गयणयले । गच्छन्तं अणुगच्छइ सरंगचउरंगसेणाए ॥३५॥ साहइ भरहं खेत्तं छक्कखंडं सट्टिवाससहस्सेहिं । बारसवरिसाणि तओ रज्जऽभिसेओ हवइ तम्हा ॥३६॥ तो बन्धवाण हुत्तं दूय मुहेणं भणेइ रज्जाई । दिन्नाइं मए भुंजह न अन्नहा ते वि तो बिन्ति ॥३७॥ अम्हं तुम्हं ताएण चेव दिन्नाई ताव रज्जाई । जमिह भणिस्सइ ताओ तं चिय अम्हे करिस्सामो ॥३८॥ इय भणिऊणं अट्ठाणउई बंधवनिवा जिणस्सन्ते । । गच्छन्ति य पुच्छन्ति य किच्चं अम्हाण किं ? ताय ! ॥३९॥ तत्तो जिणेण अंगारदाहिनाएण बोहिया सव्वे । निव्विन्नकामभोगा संविग्गा दिक्खिया झत्ति ॥४०॥ ताणं निस्संगाणं सव्वेसि सुक्कज्जाणजलणेण । निदड्डधायकम्मिन्धणाणमुप्पज्जए नाणं ॥४१॥ पुव्वभवसाहुविस्सामणेण संपुन्नदिव्वबाहुबलो । बाहुबली संगामे तिजयसमक्खं जिणइ भरहं ॥४२॥ भातस्स चक्करयणं हत्थे दट्टण कूरचित्तस्स । बाहुबली संविग्गो लोयं काउं गहियदिक्खो ॥४३।। काउस्सग्गेण टिओ तत्थेव य लहुयबंधवा मज्झ । केवलनाणाइसया कह ? पिच्छिस्सं अहमनाणी ॥४४||
15
20
25
Jain Education International 2010_02
For Private & Personal Use Only
www.jainelibrary.org
