________________
5
10
15
20
25
१४०
Jain Education International 2010_02
जयन्तीप्रकरणवृत्तिः । गाथा २ । ३
एयम्मि महासत्ते अवगयतत्ते न संभवइ एयं । एवं चिंतंतेहि विन्नत्तो नरवई तेहिं ॥ १८४ ॥
सो वि सविम्हयहियओ समागओ दट्टु सिट्ठि उस्सग्गे । पुच्छइ अभयं देविं मियच्छि ! किं एयमावन्नं ? ॥ १८५ ॥ अभया वि भणइ तुम्हाएसेणं सामि ! जाव चिट्ठामि । ताव अम्हाए सो दिट्ठो धिट्टो पिसाउ व्व ॥१८६॥ एसो वम्हहविहुरो मेसो इव मत्तमाणसो सामि ! | मामब्भत्थिय बहुहा रिरंसुओ उस्सुओ संतो ॥ १८७॥ जइ असईसुं गच्छसि तह तं सुईसु वि सुहाई । मुद्धचणय व्व निहुयं मिरियाणि वि किंतु खज्जंति ? ॥१८८॥ इय पुणरुत्तं वुत्तो वि देव ! देहम्मि मह कुणइ एयं । तो पुक्करियं नन्नं जउऽबलाणं बलं होइ ॥ १८९ ॥ एयम्मि महापुरिसे एयं न हु हवइ किल जुयंते वि । तो राया तं पुच्छइ सणियं सणियं किमेयंति ? ॥१९०॥ अभयोवरि करुणा पुट्ठो न वि किं पि जंपए स सेट्ठी । जं परतावहरं चिय घट्टं पि हु चंदणं होई ॥१९१॥ चितइ तओ य राया पुच्छिज्जंतो जमेस तुसणीओ । चिट्ठइ तमहं मन्ने परदारपरंमुहो नेव ॥ १९२॥ आरक्खियपुरिसाणं रन्ना रुट्ठेण तो समाइट्टं । पच्चाइऊण दोसं नयरीए एस हन्तव्व ॥ १९३॥ तो तेहिं बाहाहिं धरिऊणुप्पाडिओ तओ ट्ठाणे । वयणेणं सिद्धीओ मणेण देवाण व निवाणं ॥ १९४॥ मसिलित्त हो गत्ते लित्तो अइरत्तचंदणरसेण । रत्तकणवीरको सियमालाहिं सिरगलावरणो || १९५||
आरक्खियपुरिसेहिं एसो दिढबज्जडिंडिमरवेण । भामिज्जइ नयरीए छित्तिरछत्तो खरारूढो ॥ १९६॥
For Private & Personal Use Only
www.jainelibrary.org
