________________
5
जयन्तीप्रकरणवृत्तिः । गाथा २३ कामगहगहिलहियया हियाहियं बोहिउं न सकेसा । सीलमकलंकमचलं मह पुण नवचंदगिरिसरिसं ॥१०५।। इय चिंतिऊण जंपइ सुदंसणो मुद्धि ! खिज्जसि किमित्थं ? | परमत्थं न वियाणसि अक्खमोऽहं पंडओ जेण ॥१०६।। एवं च तस्स वयणं दिव्वंजणसुंदरं लहेऊण । तीए विवेयनयणं सुमग्गनयणं समुल्लसियं ॥१०७॥ तुह सोहग्गमहोयहिलवणिमलहरीहिं हरियहिययाए । न मए नायं मझं भासइ सा तयणु तयहुत्तं ॥१०८।। कन्नविसेणं घत्था अस्सत्था जे हवंति इह जीवा । ताण जडाणं पसरो रसायले निच्छियं जाइ ॥१०९।। मुद्धाए गिद्धाए कामंधाए मए अमग्गम्मि । जं सि तुमिह आणीओ खमियव्वं तं महाभाग ! ॥११०॥ इय कविलाए वुत्तो सुदंसणो नयघरम्मि संपत्तो । अमिएण वि संसित्तो पहिट्ठचित्तो महासत्तो ॥१११॥ चिंतइ य सुकुलमाणुसजम्मो अज्जेव मज्झ संजाओ । जं तीए अक्खडिओ न उट्ठिओ रक्खसो मयणो ॥११२॥ कल्लाणायलमंडण वि कित्तिमपंडगत्तणं मज्झे । पंडगवणं व सहलं सम्पन्नं पुन्नभावेण ॥११३।। इत्तोऽहं न कयाइ वि एगागी परघरम्मि वच्चिस्सं । संवेगमुव्वहंतो गिण्हइ सोअभिग्गहं एवं ॥११४।। वट्टन्ते इन्दमहे सुहावले अन्नया य नयरीए । दहिवाहणो नरिंदो उज्जाणं एइ रिद्धिए ॥११५।। रन्नो उवरोहेणं सुदंसणो सोवरोहिओ सिट्ठी । गच्छइ सुन्दररूओ नंदणसुंदेरउज्जाणे ॥११६।। घणपरियणपरियरिया अभयादेवी वि तत्थ गच्छन्ती । अणुगम्मए सललियं कविलाए विज्जुधवलाए ॥११७।।
25
Jain Education International 2010_02
For Private & Personal Use Only
www.jainelibrary.org
