________________
७०
10
जयन्तीप्रकरणवृत्तिः । गाथा २।३ विसयामिसगिद्धीए विवेयदिट्ठिविणासबुद्धीए । संसारम्मि सुसाणे तुह वयणा दूरमवकंतं ॥८२३॥ छिदित्तु मोहपासं चइत्तु दुक्खोहखाणिगिहवासं । काहं तुह पयपउमे छप्पयसबम्भचारित्तं ॥८२४।। सामि ! सवणामएणं तुह वयणेणं जिणिंद ? घरमुच्छा । उत्तिन्ना सिवमग्गे चरणमहं संपविज्जिसं ॥८२५।। विणयपणओ जिणेसर ! सम्मं संबोहिऊण पियराइं । तुह पयपोयारूढो लहुं तरिस्सामि भवसिंधु ॥८२६।। हं भो देवाणुप्पिय ! मा पडिबंधं करिज्जसु तुमं ति । इय जिणभणिए एसो रायगिहे गेहमणुपत्तो" ॥८२७|| पियराइं पणमिऊणं मेहकुमारो पमोयसंभारो । विन्नवइ मउलिमंडलमउलियकरकमलजुयलग्गो ॥८२८॥ तायंब ? मए दिट्ठो तिहुअणतरणी जिणो महावीरो । तव्वयणकिरणनिहओ हिमं व मोहो मह विलीणो ॥८२९।। हरिसभरनिब्भरंगी उववूहइ धारिणी तओ मेहं । धन्नो सि तुमं पुत्तय सलक्खणो तं कयत्थोऽसि ॥८३०॥ मेहो पुणो वि जंपइ तुम्हाणुन्नाए ताय माय अहं । जिणरायपायमूले पडिवज्जिस्सामि पव्वज्जं ॥८३१।। इय भाविविरहदुस्सहवयणं सोऊण धारिणी देवी । चम्पयलय व्व निठुरनिसायखरपरसुणा छिन्ना ॥८३२॥ गुरुदुक्खभरक्कंता मुच्छाविच्छिन्नसव्वचेयन्ना । संमीलियनयणपुडा धस त्ति धरणीयले पडिया ॥८३३।। तो सीयसलिलधाराहारावलिकमलचंदणरसेण । सिसिरोवयारवसओ पच्चागयचेयणा देवी ॥८३४।। दुहसंदोहमहंबुहिलहरीनिवहुच्छलंतबिंदु व्व । जंपइ मुहु मुंचती थूलथूलाणि अंसूणि ॥८३५।।
15
20
25
Jain Education International 2010_02
For Private & Personal Use Only
www.jainelibrary.org
