________________
६४
श्रीधर्मविधिप्रकरणम् अन्नुन्नमुक्ककोवा, बीए पायारअंतरे तिरिया । तइयम्मि विविहजाणा, नरिंदपभिईण चिट्ठति ॥४६॥ अह नियनियठाणेसुं , तत्थ निसन्नाण वारपरिसाण । जोडियकरकमलाणं, आलिहियाणं व चित्तम्मि ॥४७॥ निम्महियसंसयाए , जोयणनीहारिणीइ वाणीए । भयवं सिरिवीरजिणो, धम्मकहं कहिउमाढत्तो" ॥४८॥ अह सयलसंसयहरं, समोसढं जाणिऊण वीरजिणं । पहुपायवंदणकए, संचलिओ कामदेवो वि ॥४९॥ तइया रहाइएहिं, जाओ जाणेहिँ दुग्गमो मग्गो । पच्छाइयं च गयणं, अब्भेहिँ व सुरविमाणेहिं ॥५०॥ तत्तो कहमवि पत्तो, स गिही मज्झम्मि समवसरणस्स । दट्ठण पहुं जाओ, अणमिसनयणो सुरगणु व्व ॥५१॥ अह दाऊण पयाहिण-तिगं परं विम्हयं वहंतो सो । वंदित्तु वीरनाहं, उवविट्ठो बद्धपंजलिओ ॥५२॥ सुरनरतिरिक्खसाहा-रणाइ जलवाहगज्जिगुहिराए । जिणवाणीए धम्म, कहिज्जमाणं सुणइ एवं ॥५३॥ “भो ! भो ! (चुलसी )जोणीलक्खे, परिब्भमंता लहे वि मणुयत्तं । जे नायरंति धम्म, ते जीवा अप्पणो अहिया ॥५४॥ जेणणुसमयं अंजलि-परिकलियजलं व गलइ इह जीयं । अरिणु व्व जराईया, रोगा दूर्मति तह देहं ॥५५॥ अइबहुयकिलेससमज्जिया वि, अइवल्लहा वि जीयं व । लच्छी खणेण वच्चइ, कुसीलमहिल व्व अन्नत्थ ॥५६॥ पियमाइमित्तसुकलत्त-सयणाइओ वि संजोगो । खणदिट्ठनट्ठविहवो, जलनिहिकल्लोलपंति व्व ॥५७॥ जुव्वणमथिरं पामाकंडूयणसुहसमा इमे विसया । ता तिजए वि न किंचि वि, सारं धम्मं विमुत्तूण" ॥५८॥
15
20
25
Jain Education International 2010_02
For Private & Personal Use Only
www.jainelibrary.org
