________________
३५५
अष्टमं सद्धर्मफलद्वारम्
सा देवी अन्नदिणे, सुहलीलाए विणोइउं नयणे । उच्चगवक्खनिविठ्ठा, पिक्खेई पुरजणं हिट्ठा ॥१२८९॥ इत्थंतरम्मि एगं, तरुणं सिररइयफारधम्मिल्लं । पसरंतसुरहिपरिमल-पिसुणियदूरद्धसंचारं ॥१२९०॥ तंबूलमंडियमुहं, सव्वंगाभरणभारियसरीरं । कुंकुमकयंगरागं, नवपरिहियवत्थविच्छिन्नं ॥१२९१॥ असमाणतणुसिरीए , सिरिदेवीनंदणं व तं अवरं । रायपहे वच्चंतं, ललियादेवी निरक्खेइ ॥१२९२॥ अह से रूवालोयण-रसलालसलोयणा तदिक्कवणा । थंभासइणी जाया, सा देवी सालभंजि व्व ॥१२९३॥ चिंतइ सा अन्नुन्नं बाहुलयाबंधुरं धुवं एसो ।
जइ आलिंगेइ ममं, ता नारीजम्म मे सफलं ॥१२९४॥ किंच मणोरममेयं, काऊण अहं सयं पि दूइत्तं । सेवेमि गंतुमुड़िय, नूणं जइ पक्खिणी होमि ॥१२९५॥ चिंतइ य चउरचेडी, पासठिया तीइ पडिसरीरं व । नूण रमेइ दिट्ठी, तरुणे एयम्मि देवीए ॥१२९६।। जंपेइ य सा सामिणि !, तरुणे एयम्मि तुह मणो रमइ । चुज्जं न इमं नयणे, चंदो नाणंदए कस्स ॥१२९७॥ ललिया जंपइ हसिउं, चउरे ! परचित्तचोरगा तं सि । जीवामि ता जइ इमं, मणोरमं कह वि सेवेमि ॥१२९८॥ को एस नभ(रु) त्ति ममं, जणाविय तो करेसि तह कह वि । जह मज्झ देहदाहं, उवसामसि मेलिऊण इमं ॥१२९९।। गंतूण य नाऊण य, सा चेडी झत्ति आगया वलिउं । विन्नवइ सामिणीए , पुरओ एगागिणीइ इमं ॥१३००॥ इत्थपुरे वत्थव्वो, समुद्दपियसत्थवाहतणुजम्मा । देवि ! इमो ललियंगो, नामेण तह सरीरेण ॥१३०१।।
15
20
25
Jain Education International 2010_02
For Private & Personal Use Only
www.jainelibrary.org
