________________
३३८
10
श्रीधर्मविधिप्रकरणम् दूराउ वि तज्जंतो, चललंगूलेण तज्जणीइ व्व । सो जूहवई निहणइ, तं मुट्ठीहिं च (व) लिटुहिं ॥१०६८।। लिट्ठप्पहओ सो वि हु , कविसिंहो उल्ललित्तु सिंह व्व । कयघोरघुरघुररवो, तस्स वि लग्गो गयस्सेव ॥१०६९॥ जुज्झंति दो वि तत्तो, मल्ला इव चरणपाणिबंधेहिं । तह सत्तुणो वि मिलिया, चिराउ मित्त व्व अन्नुन्नं ॥१०७०॥ कुव्वंति दो वि तत्थ य, खणेण बंधं खणेण मुक्खं च । जुझंता ते कविणो, कीलंतो जूयगार व्व ॥१०७१॥ सो चिर जूहाहिवई, भग्गट्ठी तस्स मुट्ठिघाएहिं । मद मंदं ढुक्कइ, तुरियं तुरियं च ओसरइ ॥१०७२॥ तं तह अवसप्पंतं, सो निहणइ लिगुणा कविजुवाणो । अह तेण तस्स सीसं, फुट्ट पक्कं व दाडिमगं ॥१०७३।। सिरघायवेयणाए , अकंतो जूहनायगो सो वि । नासिय दूरं पत्तो , दढचावाकड्डियसरु व्व ॥१०७४।। दुस्सहपहारपीडा-विहुरो तण्हाइो परिभमंतो । कत्थ वि झरंतसेले, सिलाजउं सो निरिक्खेइ ॥१०७५।। अह सो जलबुद्धीए , निक्खिवइ सिलाजउ म्मि तम्मि मुहं । तं च चहुट्टिय रहियं, तत्थेव निबद्धमिव गाढं ॥१०७६।। आकड्डिस्सामि मुहं, इय खित्ता तेण बाहुणो तत्थ । ते वि तहेव चहट्टा, पुन्नखए फलइ न उवाओ ॥१०७७।। ता कुमई सो खिवइ, तत्थ पए ते वि तह(त्ति) चहुटुंति । अह कीलियपंचंगो, पावइ सो वानरो मरणं ॥१०७८।। जइ सो मुहे चहुट्टे , न खिवइ बाहू पए य दुब्बुद्धी । ता मुंचिज्ज कहं पि हु , इमो य सेलेयसलिलाओ ॥१०७९॥ एवं रसणालुद्धो, नरो सिलाजउनिभासु नारीसु । पंचिदिएहि बुद्धो, मरेइ न तहा अहं मुद्धो" ॥१०८०॥
15
20
25
Jain Education International 2010_02
For Private & Personal Use Only
www.jainelibrary.org
