________________
३३५
10
अष्टमं सद्धर्मफलद्वारम्
इय मेघरहो सुमई, पत्तो सुक्खाइं इह परत्ता वि । जडबुद्धी पुण बीओ, भमिओ भवसायरमणंतं ॥१०३०॥ ता नेव पउमसेणे !, रागंधे(धो) हं पि विज्जुमालि व्व । चिट्ठामि उत्तरुत्तर-सुहाण अइलालसो भद्दे !" ॥१०३१॥ "अह भणइ कणयसेणा, चउत्थभज्जा मणागमम्हे वि । मन्नसु मा अइयारं, पिय वच्चसु संखधमगु व्व ॥१०३२॥ जह सालिगामगामे, जाओ पव्वं किसीवलो को वि । रक्खेइ निययखित्तं, वसिओ निच्चं पि रयणीए ॥१०३३।। सो खित्तसायरम्मी, सत्ते दढमंचपवहणारूढो । नासइ संखं पूरिय-दूराओ संचरंते वि ॥१०३४॥ अह तक्खित्तासन्ने, चोरा वच्चंति गोधणं गहिउं । तो तस्स संखनायं, सोउं एवं विचितंति ॥१०३५।। गोधणवालणहेउं , पुरिसा इह के वि अग्गओ फिरिया । जं सुम्मइ आसन्नो, सुन्ने वि हु एस संखरवो ॥१०३६।। इय भयभीया हियए , चोरा चइऊण गोधणं तत्थ । पत्ता दिसोदिसते , तरुउड्डियपक्खिणु व्व पगे ॥१०३७।। छुहियं च गोधणं तं, सणियं सणियं चरंतमह तत्थ । अरुणोदयवेलाए , तक्खित्तासन्नमणुपत्तं ॥१०३८॥ जा गोधणस्स समुहं, पहाविओ सो किसीबलो सहसा । ता रक्खवालरहियं, तं सव्वं दट्ठ चिंतेइ ॥१०३९॥ मह संखसरं सोडे, गोधणमेयं परिच्चइय चोरा । नट्ठा अभिसंकाए, “सव्वत्थ वि संकिया पावा" ॥१०४०।। तो गोधणं सगामे, गामेयाओ असंकिओ नेइ । भणइ य मह देवीए, दिन्नमिमं गिण्हिह जणा भो ! ॥१०४१॥ गोधणदाणासत्तं, मुत्तं जक्खं व तं जणो सव्वो । सम्माणइ भत्तीए , जो देइ स देवया जेण ॥१०४२।।
15
15
20
25
Jain Education International 2010_02
For Private & Personal Use Only
www.jainelibrary.org
