________________
5
10
15
20
25
३१२
Jain Education International 2010_02
श्रीधर्मविधिप्रकरणम्
तेण अनिव्विन्नेणं, खणिओ पायालविवरपडिरूवो । सो कूवो कारविओ, नीहरिओ न उण पंको वि ॥७३२॥ तो तस्स न संजाया, तं कंगुकुद्दवा न गोहूमा । नो इक्खुणो य किं पुण, पच्छुत्ताव गओ एसो ||७३३|| ता नाह ? तुमं थीधणसुहमुवलद्धं इमं इय चयंतो । सिद्धिसुहं वंछंतो, चुक्को दुहं पि झूरेसि" ॥७३४|| "जंपइ जंबूकुमरो, हसिऊणं सिरिसमुद्दसिरिकंते । किं हीणमई लुद्धो, अहं पि चिट्ठामि कागु व्व ॥७३५॥ जह नम्म्याइ कूले, विंझवणे आसि वणगओ एगो । जूहवई विंझायल - निवस्स जुवरायपडिरूवो ॥७३६|| सच्छंदं विहरंतो, सो विंझे जुव्वणं अइक्कमइ । आउनईपारसमं, कमेण पावइ य वुढत्तं ॥ ७३७॥ तो निच्चलो न सक्कइ, काउं रुक्खेसु दंतघायाई । जाओ गिरि व्व गिम्हे, विमुक्कमयवारिनिज्झरणो ||७३८|| सो कन्नियारसल्लइ - पमुहदुमे नेव भंजइ जइ व्व । निच्चुच्चपएसेसुं, बीहइ बालु व्व वच्चंतो ॥७३९|| दसणपडणाउ परिमिय- आहारो छुहदुहेण गलियतणू । सो अभिरयभत्था - सरिच्छकाओ तया जाओ ||७४०|| अन्नदिणे सो पत्तो, सुक्काए गिरिनईइ मज्झम्मि । कवि पक्खलियपओ, पडिओ गिरिसिहरमेगं व ॥ ७४१ ॥ वुड्ढत्ताओ निब्बल - गुरुदेहो उट्टणम्म असमत्थो । सो पायवोवगमणं, पालंतो इव तहेव ठिओ ॥७४२॥ अह तह ठियस्स तत्थ वि, मयस्स से कायबगसियालाई । छिद्दमवाणट्टाणे, काउं मंसं पभक्खति ॥ ७४३|| पुक्खल अवाणरंधं तत्तो तं करिकलेवरं जायं । कयविविहजंतुवासं कंदरजुयभूधरपयासं ॥ ७४४॥
For Private & Personal Use Only
www.jainelibrary.org
