________________
२५८
श्रीधर्मविधिप्रकरणम् तत्तो पसन्नचंदो, दुज्झाणमहंतकवयसंवलिओ ।
अइदूरे मुंचंतो, सामन्नं कायरत्तं व ॥३१॥ रणरंगरसियचित्तो, फुरंतदिप्पंतकोवकोदंडो । पुव्वब्भासवसेण व, मणम्मि समरं पसाहेइ ॥३२॥ सिंहावलोयनाएण, परिगओ दित्तखत्ततेएण । पच्चक्खे इव पिक्खइ, सुयरिउणो मंतिणो सव्वे ॥३३॥ मणसमररंगरसिओ, तेसिं सरीराणि खग्गधाराए । सो कुणइ खंडखंडाणि, भूरिसो सूरणाणी व ॥३४॥ छेयणभेयणताडण-पमुह अन्नं पि दारुणं कम्मं । सो कोहंधो मणसा, किं किं न कुणेइ मंतीण ?" ॥३५॥ इत्थंतरम्मि सेणिय-राया जिणवंदणम्मि वच्चंतो । वंदइ तं दट्ठणं, गइंदखंधाउ उत्तरिउं ॥३६।।। कट्ठ व चिट्ठरहियं, तं दटुं सेणिओ वि चिंतेइ । धन्नो एस महप्पा, राओ रंको वि जस्स समो ॥३७॥ एवं निच्चलझाणस्स, का वि होही गई जिणो मुणई । इय चितंतो पत्तो, आसन्नो समवसरणस्स ॥३८॥ दूराउ च्चिय छत्ताइ-छत्तमालोइउं पहिट्ठमणो । उम्मुक्करायचिंधो, पंचविहाभिगमसंजुत्तो ॥३९॥ ओसरणे पविसित्ता, उत्तरदिसिसंठिएण दारेण । हरिसवसवियसियच्छो, सामि तिपयाहिणेऊण ॥४०॥ मणिवट्टचुंबिणामत्थएण पुणरुत्तविरइयपणामो । भालयलारोवियपाणि-पल्लवो थुणिउमाढत्तो ॥४१॥ "जय जय वीर जिणेसर !, विदलियमिच्छत्तभीमभवपसर ! । सुरसेवियपयपंकय !, अइसयमुत्ताहलसमुद्द ! ॥४२॥ इच्चाइ थुणेऊणं, गोयमपमुहे य गणहरे नमिउं । सो जोडियकरकमलो, तयणु निविट्ठो महीवीढे ॥४३॥
20
25
Jain Education International 2010_02
For Private & Personal Use Only
www.jainelibrary.org
