________________
सप्तमं धर्मभेदद्वारम्
इय दिव्ववयणअमयं पाउं सवणंजलीहि निवतिमुहा । नियभगिणीभज्जाई इत्थिजणं आहवावंति ॥ ८९ ॥ तत्तो निवइपुरोहियअमच्चसत्थाहसिद्विपमुहाणं ।
द्वग्घं व कयाणगमिव पत्तो तत्थ इत्थिजणो ॥ ९० ॥ सो गव्वमुव्वहंतो, सइत्तणे मंतिउ व्व मंतम्मि । जा चालणीइ सलिलं, पक्खिवइ अहमहमिगाए ॥ ९१ ॥ ता तत्थ तुंगगिरिवरसिंगावडियं व ठाइ नेव जलं । तत्तो कसिगच्छाओ, घणु व्व इत्थीजणो जाओ ॥ ९२ ॥ इय जाव विगुत्ताओ, ताओ सव्वाओ नयरनारीओ | ता जंपेइ सुभद्दा पुरओ नियसासुयाईणं ॥९३॥ अम्मो ! तुम्हाणा, अहमवि विन्नासयामि अप्पाणं । तो ताहिं हसिय भणियं, संभाविज्जइ तुह सइत्तं ॥ ९४ ॥ जइ एयाउ सईओ, तरंति उग्घाडिउं न दाराणि । ता तुममुग्घाडसि जा, मुणिभत्ता भत्तुणा चत्ता ॥९५॥ तत्तो भाइ सुभद्दा, संतेणं कंकणेण हत्थम्मि । किं दप्पणेण अंबे ! ममावि तं पिक्खसु परिक्खं ॥ ९६ ॥ अह सासुयाइ भणियं, किं बहुए तुंड तंडवेणिमिणा । गिण्हसु चालणियमिमं, खिविय जं दंससु सइत्तं ॥९७॥ तं चालणं सुभद्दा, गिहिय पक्खिवइ तीइ जा सलिलं । ता तं न गलइ हिट्ठा, अछिद्दभायणनिहित्तं व ॥९८॥ तं पिक्खिऊण जाओ विच्छाओ तीइ सासुयाइजणो । जलहि व्व पुन्निमाए, उलसिओ बुद्धदासोऽवि ॥ ९९ ॥ अह चालणिखित्तजला, पत्ता सा जत्थ अत्थि नरनाहो । सयलपुरीजणसहिओ, किं कायव्वं ति मूढमणो ॥ १०० ॥
१. 'मुणिभुत्ता' प्रत्यन्तरे ।
Jain Education International 2010_02
For Private & Personal Use Only
१८५
5
10
15
20
www.jainelibrary.org
