________________
१५३
सप्तमं धर्मभेदद्वारम् निज्जरट्ठयाए तवमहिट्ठिज्जा" [ दश.अ.९ उ.४/४] सुद्धाओ भावणाओ त्ति शुद्धा मनोवाक्कायैः, भावना इति बहुवचनेन द्वादशभावनानां संग्रहस्ताश्चैता:
"हवइ अणिच्चमसरणं, संसारो एगया य अन्नत्तं । असुइत्तं आसवसंवरो य, तह निज्जरा धम्मो ॥१॥ लोगसरूवं दुलहा-बोही इय भावणाण बारसगं । एएसि भावणट्ठा, सरूवमिह किं पि दंसेम्मि" ॥२॥ जीवियजुव्वणलच्छी-पियसंगमसयणधणसरीराइं । रवणभंगुराइँ नाऊण, जीव ! भावसु अणिच्चत्तं ॥३॥ तित्थयरा गणहारी, सुरवइणो चक्किकेसवा रामा । जीव ! न मुक्का विहिणा, ता होही तुज्झ को सरणं ? ॥४॥ 10 चउवेई चंडालो, सामी दासो धणी दरिदो य । भवसि भवम्मि तुम चिय, इय जिय ! भावेसु संसारं ॥५॥ एगो जिय ! सहसि तुमं, नारयतिरियाइएसु दुक्खाई । तुज्झ सहाओ नन्ना, इय एगत्तं विभावेसु ॥६॥ अन्नं सरीरमेयं, अन्नं धणबंधवाइ तुममन्नो । इय सोगसंगरहिओ, अन्नत्तं जीव ! भावेसु ॥७॥ रुहिरट्ठिमंसमज्जा-मुत्तपुरीसाइपूरिए देहे । जिय ! कहसु कह सुइत्तं एवं भावेसु असुइत्तं ॥८॥ रे ! जिय ! कसायविसय-प्पमायमिच्छत्तदुदुजोगाई । तुह आसवंति पावं, सयावि इय आसवं मुणसु ॥९॥ भवभमणकारणाइं, अपमत्तो वज्जिऊण रे जीव ।। दुवासवे निलंभिय, इय संवरमप्पणो कुणसु ॥१०॥ कम्माण दुज्झराणं, अणाइ संसारबीयभूयाणं । तवदहणतावणेणं, जीव ! तुमं निज्जरं कुणसु ॥११॥ सासयसिवसुहजणगं, चउगइभवजलहितारणतरंडं । खंतितवसंजमाई, सया वि धम्मं मणे धरसु ॥१२॥
15
20
25
Jain Education International 2010_02
For Private & Personal Use Only
www.jainelibrary.org
