________________
विजयचंदचरियं एवं विचिंतयंती जिणपुरओ चूयपायवारूढं । पिच्छइ तं सुयजुयलं भक्खंतं पायवफलाई ।।८।। भणिओ सो तीइ सोओ भद्द तुमं खिवसु अंबगं मज्झ । भणिया किं कुणसि तुमं ढोइस्सं जिणवरिंदस्स ॥९॥ भणिया सुएण साहसु जिणवरदाणेण होइ जं पुन्नं । जेण पयच्छामि अहं तुह पुरओ अंबगं एगं ॥१०॥ * तीए भणियं वरतरुफलाइं जो ढोयए जिणिंदस्स । जम्मंतरे वि सैफला जायंति मणोरहा तस्स ॥११॥ ईंय सोउं गुरुमूले जिणमुहकमलाउ निग्गयं वयणं । ता खिवसु मज्झ अंबं जेण पयच्छामि जिणपुरओ ॥१२॥ भणिओ सो सूईए नाह पयच्छामि अंबगमिमीए । अम्हे वि य ढोएमो जिणपुरओ अंबगफलाई ॥१३।। इय भणिए पक्खित्तं तीइ सयासंमि अंबगं एगं । सा वि य गहिउं ढोयइ जिणपुरओ परमभत्तीए ॥१४॥ तेण वि सुयमिहुणेणं तुटेणं चंचुसंपुडे धरिउं । ठविउं जिणिंदपुरओ चूयफलं परमभत्तीए ॥१५॥ पभणइ तं सुयजुयलं न याणिमो नाह तुह थुई काउं । जं जिण तुहफलदाणे होइ फलं होउ तं मज्झ ।।१६।। आउक्खयंमि मरिडं दुग्गयनारी विसुद्धपरिणामा । उववन्ना सुरलोए जिणिदफलदाणपुन्नेण ॥१७।।
१. अंबगफलाइं । २. जिणफलदाणेण । ३. सहला । ४. निसुयं । ५. तीए । ६. अम्ह ।
★ वरतरुपवरफलाइं ढोयइ जो जिणवरस्स भत्तीए । इति पाठांतरम्
____Jain Education International 2010_02
For Private & Personal Use Only
www.jainelibrary.org
