________________
७. फलपूजायां कथानकम् ॥
*वरतरुपवरफलाइं ढोयइ भत्तीए जो जिणिदस्स । जम्मंतरे वि सहला जायंति मणोरहा तस्स ॥१॥ जिणवरपूयाइफलं पाविज्जाइ परमरिद्धिसेंजुत्तं ।
जह कीरमिहुणगेणं दरिद्दनारीइ सहिएणं ॥२॥ तंजहा -
महिमहिलाभरणाए सुरपुरिसरिसाइ कंचणपुरीए । अरजिणभवणदुवारे निवसइ साहारचूयंमि ॥३॥ नीलुप्पलदलसरिसं सुयजुयलं पयइभद्दगं एगं । तत्थ वि जिणिंदभवणे जायंमि महूसवे परमे ॥४॥ नरसुंदरनरनाहो नयरीलोएण सह जिणिंदस्स । सुंदरफलेहिं पूयं कुणइ जिणिंदस्स भत्तीए ॥५॥ एगा दरिद्दनारी एगं पि हु वरफलं जिणिदस्स । दाऊणं असमत्था तत्थ पुरे दुक्खिया वसइ ॥६॥ चिंतइ दुक्खियहियया धन्नो जो जिणवरस्स पइदियहं । ढोअइ पवरफलाइं नाहं एगस्स वि समत्था ॥७।।
१. जिणफलपूयाइफलं । २. संपन्न । ३. जयसुंदर । ४. तत्थ आगंतु । ५. सो। ★ वरतरुफलाइं ढोयइ भत्तीए जिणवरिंदचंदाणं । इति पाठांतरम्
Jain Education International 2010_02
For Private & Personal Use Only
www.jainelibrary.org
