________________
७६
विजयचंदचरियं इय भणिऊण मुणिंदो नमिओ हलिणा विसुद्धभावेण । उप्पइओ गयणयले विहरइ हियच्छियं देसं ॥२६॥ हलिओ वि हु पइदियहं धरिणीइ समाणियंमि भत्तंमि । नियभोयणाउ थेवं गहिऊणं कुणइ जिणपुरओ ॥२७॥ अह अन्नया चिराओ छुहाभिभूयस्स आगयं भत्तं । उक्खिवइ जाव कवलं ता समरइ अत्तणो नियमं ॥२८॥ उक्खित्तं पि हु कवलं झडत्ति मुत्तूण गहियनिवज्जो । जा वैलिओ जिणभवणे ता जं जायं तयं सुणह ।।२९।। सत्तपरिक्खाकामो हलियस्स पुराहिवो सयं देवो । जिणभवणस्स दुवारे चिट्ठइ सो सीहरूवेण ॥३०॥ चिंतइ हलियजुवाणो जिणपुरओ पिच्छिऊण तं सीहं । कह भुंजिस्समदिन्ने नेवज्जे जिणवरिंदस्स ॥३१॥ ता अज्जं जिणपुरओ जीवियमरणं व होइ ता होउ । अवस्स मए दायव्वं नेवज्जं जिणवरिंदस्स ॥३२॥ अवलंबिऊण सत्तं जह वच्चेइ जिणवरासन्ने । तह तह तुट्ठो सीहो उवट्टइ पच्छिमपएहिं ॥३३।। इय कयनिच्छयचित्तो पविसइ जा जिणहरंमि सो धीरो । ता सहसा सो सीहो झडत्ति असणीहूओ ॥३४॥ भत्तिभरनिब्भरंगो नेवज्जं जिणवरस्स दाऊणं । पुणरवि नमिऊण तओ समागओ निययठाणंमि ॥३५॥
१. उप्पयओ । २. हियइच्छिए देसे । ३. थोवं । ४. सुमरइ । ५. नेवज्जो । ६. चलिओ । ७. चिट्ठेइ । ८. वच्चइ । ९. जिणवरासन्नं । १०. ओहट्टो ।
Jain Education International 2010_02
For Private & Personal Use Only
www.jainelibrary.org
