________________
७५
नैवेद्यपूजायां कथानकम् ॥
एगो को वि जुवाणो दुस्सहदारिद्ददुक्खसंतत्तो । जिणहरपुरओ खित्तं पइदियहं सो हलं वहइ ॥१६॥ खेमंपुरओ धरिणीए आणियं सामिणो य गेहाओ । भुंजइ अरसं विरसं घयतिल्लविवज्जियं भत्तं ॥१७॥ अन्नदिणंमि नहाओ चारणसमणं समागयं दहें । रिसहजिणिदं थोउं उवविटुं एगदेसंमि ॥१८॥ आणंदबाहजलभरियल्लोयणो भत्तिनिब्भरसरीरो । मुत्तूणं निययहलं तं वंदइ परमविणएण ॥१९॥ भयवं निसुणसु एयं दुलहं लहिऊण माणुसं जम्मं । किं जम्माओ अहयं संजाओ दुक्खिओ निच्चं ॥२०॥ भणिओ सो मुणिवइणा भद्द तए परभवंमि भत्तीए । दिन्नं मुणिहिं न दाणं न य नेवज्जं जिणिंदस्स ॥२१॥ तेण तुमं इह जम्मे कह वि हु संपत्तमाणुसे जम्मे । जाओ भोगविहूणो दीणो दुहिओ दरिदो य ॥२२॥ सोऊण इमं वयणं धरणियलनिहत्तमुत्तिमंगो य । भणिओ तेण मुर्णिदो भयवं निसुणेसु मेह वयणं ॥२३॥ नियभोयणमझउ पिडि ढोऊण जिणवरिंदस्स । संपत्तमुणिवरस्स वि भुत्तव्वमभिग्गहो मज्झ ॥२४॥ भणिओ य मुणिवरेणं निच्चलचित्तेण इत्थ होयव्वं । जेण तुमं च सुहेणं सासयसुहभायणं होही ॥२५॥
१. कोइ । २. खित्ते । ३. खेमपुराओ । ४. थुणोउं । ५. लोयणो । ६. विणएणं। ७. भणइ य भयवं निसुणेसु । ८. सुक्खविहीणो । ९. निहियउत्तमंगेण = निक्षिप्तमस्तकेन । १०. निसुणेह । ११. मे वयणं । १२. पिंडं । १३. य । १४. भद्द । १५. सुक्खेणं ।
____Jain Education International 2010_02
For Private & Personal Use Only
www.jainelibrary.org
