________________
विजयचंदचरियं अत्थि पुरं रयणउरं भारहखेत्तस्स मज्झयारंमि । तत्थ परिवसइ राया रिउमद्दण नाम विक्खाओ ॥३।। भज्जा से अणंगरई रइ व्व रूवेण पउमदलनयणा । विसए भुंजंताणं ताणं पुत्तो समुप्पन्नो ॥४॥ नामेण विजयचंदो चंदो इव सयलजणमणाणंदो । बहुदेसभासकुसलो भज्जाओ अत्थि से दोन्नि ॥५॥ पढमा य मयणसुंदरि नाम दुइया य कमलसिरि नामा । ताणुप्पन्ना पुत्ता कुरुचंदो तह य हरिचंदो ||६|| अह अण्णया कयाई विहरतो तत्थ आगओ सूरि । तस्स परिवंदणत्थं वच्चइ राया सपरिवारो ।।७।। सुणिऊण य परिकहियं संसारासारयं महाराओ । सपए ठविउं पुत्तं गिण्हइ दिक्खं गुरुसमीवे ॥८॥ विजयचंदो य पच्छा पालेउ कुलकमागयं रज्जं । कुसुमपुरं वरनयरं देइ तओ विण्हुचंदस्स ॥९॥ सुरपुरनयरं दुईयस्स देई कुरुचंदनामधेयस्स । लेइ सयं पवज्जं केवलिणो पायमूलंमि ॥१०॥ विहरइ मुणी महप्पा गीयत्थो गुरुजणेण अणुन्नाओ । उग्गतवसोसियंगो गामागरमंडियं वसुहं ॥११॥ वासारत्ते पत्ते नीसेसं वज्जिऊण आहारं । पव्वयगुहाए निच्चं चिट्ठइ सो एगपाएण ॥१२॥ सिसिरे सीयं गिम्हमि आयवं सहइ दूसहं धीरो । उवसग्गसहस्से वि गिरि व्व न हु चलइ ज्झाणाओ ।।१३।। १. दुन्नि । २. नामा । ३. (हरिचन्द्र) ।। ४. पत्तो ।
Jain Education International 2010_02
For Private & Personal Use Only
www.jainelibrary.org
